Read სბს–2013 ფსალმუნები 20 Bible Online

ფსალმუნები 20 - სბს–2013 bible

ფსალმუნები 20

¹უფალო, შენი ძლიერებით ხარობს მეფე და შენი შველით ილხენს დიდად!

²შენ შეუსრულე მას გულის ნატვრა და მის ბაგეთა თხოვნა არ უკუაგდე.

³რადგან შენ შეაგებე მას კეთილი კურთხევა, ბაჯაღლო ოქროს გვირგვინი დაადგი თავზე.

⁴სიცოცხლე გთხოვა და უბოძე მას, დღეგრძელობა უკუნითი უკუნისამდე.

⁵დიდია ღირსება მისი შენი შემწეობით, დიდება და მშვენიერება მიანიჭე მას.

⁶შენ უბოძებ მას კურთხევებს სამარადჟამოდ, ლხენას ანიჭებ მას შენთან ყოფნის სიხარულით.

⁷რადგანაც უფალზე არის მინდობილი მეფე, უზენაესის მოწყალებით არ დაეცემა.

⁸შენი ხელი მისწვდება ყველა შენს მტერს, შენი მარჯვენა გაანადგურებს შენს მოძულეებს.

⁹ცეცხლოვან თონეს დაამსგავსებ მათ შენი გამოჩენის ჟამს; უფალი თავისი რისხვით დასწვავს, ცეცხლი შთანთქავს მათ.

¹⁰შენ მათ ნაშიერს წარხოცავ ქვეყნიდან და მათ მოდგმას კაცთა ძეთაგან.

¹¹თუ სიავეს განიზრახავენ შენს წინააღმდეგ, ბოროტს დაგეგმავენ, ვერაფერს გახდებიან.

¹²ვინაიდან შენ უკუაქცევ მათ, შენს მშვილდს მიმართავ მათი პირისკენ.

¹³ამაღლდი შენი ძალით, უფალო! ვუმღერებთ და ვუგალობებთ შენს ძლიერებას.