Read სბს–2013 ფსალმუნები 27 Bible Online

ფსალმუნები 27 - სბს–2013 bible

ფსალმუნები 27

¹დავითისა. მოგიხმობ შენ, უფალო, ბურჯო ჩემო, ნუ დადუმდები ჩემთვის! ვაი, თუ დადუმდე ჩემთვის და დავემსგავსო საფლავში ჩასულებს.

²ისმინე ჩემი მუდარის ხმა, როცა მოგიხმობ, როს ხელებს აღვაპყრობ შენი წმიდა ტაძრისაკენ.

³ნუ შემაერთებ ბოროტებთან და სიყალბის მქმნელებთან, რომელნიც მოყვასთან მშვიდობიანად ლაპარაკობენ, გულში კი სიავე უდევთ.

⁴მიუზღე მათ მათი საქმეებისამებრ, აზღვევინე მათი ბოროტმოქმედებისამებრ; მათ ხელთა საქმისამებრ მიუზღე მათ, აზღვევინე დამსახურებული.

⁵რადგან არ ესმით მოქმედებანი უფლისა და მისთა ხელთა საქმენი. ის დაანგრევს მათ და აღარ აღაშენებს.

⁶კურთხეულია უფალი, რადგან ისმენს ჩემი ვედრების ხმას.

⁷უფალი ძალაა ჩემი და ფარი ჩემი; მას ესავდა ჩემი გული; დამეხმარა და გაიხარა ჩემმა გულმა, ჩემი სიმღერით ვიტყვი მის ქებას.

⁸უფალი ძალაა თავისი ხალხისა და თავისი ცხებულის მხსნელი ფარია.

⁹იხსენი შენი ხალხი და აკურთხე შენი სამკვიდრო, მწყემსე ისინი და აამაღლე უკუნისამდე!