Read სბს–2013 ფსალმუნები 29 Bible Online

ფსალმუნები 29 - სბს–2013 bible

ფსალმუნები 29

¹ფსალმუნი. ქება ტაძრის განახლებისა. დავითისა. განგადიდებ შენ, უფალო, რადგან მიხსენი და არ გაახარე ჩემზე მტრები.

²უფალო, ღმერთო ჩემო, მოგიხმე და შენ განმკურნე მე.

³უფალო, შენ ამოიყვანე ჩემი სული ჯოჯოხეთიდან, გამაცოცხლე, რომ საფლავში არ ჩავსულიყავ.

⁴უგალობეთ უფალს, მისო წმიდებო, ადიდეთ ხსენება მისი სიწმიდისა.

⁵რადგან წამიერია რისხვა მისი, ხოლო გულმოწყალება – მთელი სიცოცხლე; თუ ღამით გლოვა დაისადგურებს – ცისკრის ჟამს მხიარულება მოვა.

⁶და ვთქვი მე ჩემი ნეტარების ჟამს: არ დავეცემი უკუნისამდე.

⁷შენი სურვილით, უფალო, დამადგინე მთასავით მკვიდრად; დაფარე შენი სახე და – შევძრწუნდი.

⁸შენ მოგიხმე, უფალო, და ჩემს მეუფეს შევევედრე:

⁹რა სარგებლობა იქნება ჩემს სისხლში, როდესაც საფლავში ჩავალ? განა მტვერი შეგასხამს ხოტბას? განა შენს ჭეშმარიტებას განაცხადებს?

¹⁰უფალო, მომისმინე და შემიწყალე, იყავი შემწე ჩემი.

¹¹შენ ჩემი წუხილი როკვად მიქციე, ძაძა გამხადე და სიხარულით შემომსარტყლე.

¹²ამისათვის გიგალობებს სული ჩემი და არ დადუმდება. უფალო, ღმერთო ჩემო, შენ გადიდებ უკუნისამდე!