Read სბს–2013 ფსალმუნები 3 Bible Online

ფსალმუნები 3 - სბს–2013 bible

ფსალმუნები 3

¹ფსალმუნი დავითისა. როცა გაურბოდა აბესალომს, თავის ძეს. უფალო! როგორ გამრავლდნენ ჩემი მტრები! მრავალნი აღდგნენ ჩემს წინააღმდეგ;

²მრავალია, ვინც ამბობს ჩემს შესახებ: „არ არის მისთვის შემწეობა ღმერთისაგან!“

³მაგრამ შენ, უფალო, ჩემი ფარი ხარ, დიდება ჩემი და ჩემი თავის ამმაღლებელი.

⁴ვღაღადებ უფალის მიმართ და ის მპასუხობს თავისი წმიდა მთიდან.

⁵ვწვები, ვიძინებ და ვიღვიძებ, რადგან უფალია ჩემი შემწე.

⁶ვერ შემაშინებს ხალხის სიმრავლე, გარს რომ მერტყმიან ყოველი მხრიდან.

⁷აღსდეგ, უფალო! მიხსენ, ღმერთო ჩემო! რადგან შენ ულეწავ ყბებს ყველა ჩემს მტერს, კბილებს უმუსრავ ბოროტებს.

⁸უფლისგან არის ხსნა; შენი კურთხევა იყოს შენს ერზე!