Read სბს–2013 ფსალმუნები 31 Bible Online

ფსალმუნები 31 - სბს–2013 bible

ფსალმუნები 31

¹მოძღვრება. დავითისა. ნეტარია, ვისაც მიეტევა დანაშაული, ვისი ცოდვებიც დაიფარა.

²ნეტარია კაცი, ვისაც უფალი ცოდვას არ მოჰკითხავს, და ვის სულშიც არ არის სიყალბე.

³როდესაც ვდუმდი ჩემს ცოდვებზე, გაცვითა ჩემი ძვლები ყოველდღიურმა გოდებამ ჩემმა.

⁴რადგან დღისით და ღამით მძიმდებოდა შენი ხელი ჩემზე, სინედლე ჩემი შეიცვალა ზაფხულის გვალვით.

⁵ცოდვა ჩემი გაუწყე, და ბრალი ჩემი არ დამიმალავს. ვთქვი: „ვაღიარებ ჩემს ცოდვებს უფლის წინაშე. და შენ მომიტევე დანაშაული ჩემი ცოდვისა.“

⁶ამიტომ, დაე ილოცოს შენს მიმართ ყველა ღვთისმოსავმა შეწყნარების ჟამს; თუნდ იყოს წარღვნა წყალთა მრავალთა, ვერ მისწვდება მას.

⁷შენა ხარ ჩემი მფარველი, გაჭირვებისგან მიცავ, ხსნის სიხარული შემომარტყი გარს.

⁸გასწავლი და დაგაყენებ გზაზე, რომელზეც უნდა იარო, თვალს დავიჭერ შენზე.

⁹ნუ იქნებით, ვითარცა ცხენი ან ჯორი უგუნური. ლაგამი და აღვირია მათი შემკავებელი, სხვაგვარად ვერ მიუახლოვდები.

¹⁰მრავალი სატკივარი აქვს ბოროტს, უფალზე მინდობილი კი წყალობით არის გარემოცული.

¹¹იხარეთ უფლის მიერ და ილხინეთ, მართალნო; იზეიმეთ, გულით მართლებო!