Read სბს–2013 ფსალმუნები 35 Bible Online

ფსალმუნები 35 - სბს–2013 bible

ფსალმუნები 35

¹გუნდის ლოტბარს. უფლის მორჩილის, დავითისა. ბიწიერება ელაპარაკება ცოდვილებს გულების სიღრმეში; არ არის შიში ღმრთისა მათ თვალთა წინაშე.

²რადგან ეპირფერებიან საკუთარ თავს, რათა მათი ურჯულოება არ გამოჩნდეს და არ შეიძულონ.

³მათ ბაგეთა სიტყვები სიავე და სიყალბეა, ბრძნული და კეთილი საქციელი არა სჩვევიათ.

⁴უსამართლობას იზრახავენ თავიანთ სარეცელზე, უკეთურ გზას ადგებიან, ბოროტს არ თაკილობენ.

⁵უფალო, ზეცამდეა შენი წყალობა, ჭეშმარიტება შენი – ღრუბლებამდე.

⁶სიმართლე შენი, ვითარცა მთები ღმერთისა, სამართალი შენი – ღრმა უფსკრულივით. ადამიანსა და პირუტყვს შენ იხსნი, უფალო.

⁷რაოდენ ძვირფასია შენი წყალობა, ღმერთო! ადამის ძენი შენს ფრთებქვეშ აფარებენ თავს.

⁸დაპურდებიან შენი სახლის სიუხვით და შენს სიტკბოთა ნაკადებიდან შეასმევ მათ.

⁹რადგან შენთან არის წყარო სიცოცხლისა, შენი შუქით ვხედავთ სინათლეს.

¹⁰მოჰფინე წყალობა შენი შენს აღმსარებლებს, და შენი მხსნელი სიმართლე გულწრფელებს!

¹¹ნუ მოაღწევს ჩემთან ფეხი ამპარტავნისა, ნურც ბოროტთა ხელი განმდევნის მე.

¹²იქ არიან განრთხმულნი უსამართლობის მოქმედნი, დაენარცხნენ და აღარ ძალუძთ წამოდგომა.