Read სბს–2013 ფსალმუნები 40 Bible Online

ფსალმუნები 40 - სბს–2013 bible

ფსალმუნები 40

¹გუნდის ლოტბარს. დავითის ფსალმუნი. კურთხეულია, ვინც ფიქრობს ღატაკზე; უბედურების დღეს იხსნის მას უფალი.

²უფალი დაიცავს და აცოცხლებს მას; ბედნიერი იქნება ქვეყანაზე; შენ არ გადასცემ მას მტრების სურვილისამებრ.

³უფალი გაამაგრებს მას მისი სნეულების სარეცელზე; მთელ მის სარეცელს შეცვლი შენ ავადმყოფობის ჟამს.

⁴მე კი ვთქვი: უფალო, შემიწყალე, განმკურნე, რადგან შეგცოდე.

⁵ჩემი მტრები ავს ამბობენ ჩემზე: როდის მოკვდება და გაქრება მისი სახელი?

⁶ვინმე თუ მოვა ჩემს სანახავად, ცარიელ სიტყვებს ამბობს; მისი გული კი სიცრუეს თხზავს; გარეთ გავა და ალაპარაკდება.

⁷ერთთავად ჩემზე ჩურჩულებენ ჩემი მოძულენი; ყველაზე უარესს ისურვებენ ჩემთვის.

⁸ამბობენ: სასიკვდილო სენი დაეუფლა მას; ვინც ერთხელ დაწვა, ვეღარ წამოდგება!

⁹ჩემმა განუყრელმა მეგობარმაც კი, ვისი იმედიც მქონდა, ვინც ჩემს პურს ჭამდა, ქუსლი აღმართა ჩემზე.

¹⁰ხოლო შენ, უფალო, შემიწყალე, წამომაყენე, და მე მივუზღავ მათ.

¹¹იმით გავიგე, რომ გიყვარვარ, რომ მტერმა არ გაიხარა ჩემზე.

¹²ჩემი უბიწოებისათვის შემეწიე და შენს წინაშე დამაყენე სამარადისოდ.

¹³კურთხეულ არს უფალი, ღმერთი ისრაელისა, უკუნითი უკუნისამდე! ამინ, ამინ.