Read სბს–2013 ფსალმუნები 57 Bible Online

ფსალმუნები 57 - სბს–2013 bible

ფსალმუნები 57

¹გუნდის ლოტბარს. ნუ მოსპობ, დავითის ძეგლისწერა. განა მართლა სიმართლეს ამბობთ, ღმერთებო? სისწორით სჯით ადამის ძეებს?

²არა, გულში უკუღმართობას თხზავთ, დედამიწაზე თქვენს ხელთა ძალმომრეობას დებთ სასწორზე.

³გადაუხვიეს ბოროტებმა დაბადებიდანვე; გზას ასცდნენ დედის მუცლიდანვე სიცრუის მქმნელნი.

⁴მათი გესლი მსგავსია გველის გესლისა, ყრუ ასპიტისა, ყურს რომ დაიხშობს,

⁵რომ არ ისმინოს ხმა შემლოცველთა, არც დაბრძენებულ მისანთ-მისნისა.

⁶ღმერთო, შენ შეუმუსრე კბილები პირში! ლომთა ეშვები მოთხარე, უფალო!

⁷დაე გაქრნენ, ვითარცა წყალი დაღვრილი; როდესაც ისრებს მოზიდავენ, იყოს გადამსხვრეულივით.

⁸ლოკოკინასავით დაუძლურდნენ, ქალის საშოდან მოწყვეტილივით ვერ იხილონ მზე.

⁹ვიდრე იგრძნობდნენ თქვენი ქვაბები აალებულ კვრინჩხს, უმიც და გამომცხვარიც ქარში წარიხვეტოს.

¹⁰გაიხარებს მართალი, როცა იხილავს შურისგებას; ფეხებს დაიბანს ბოროტის სისხლში.

¹¹იტყვიან კაცნი: აი, ნაყოფი მართლისა! ჭეშმარიტად არსებობს ღმერთი, განმსჯელი ქვეყნიერებისა!