Read სბს–2013 ფსალმუნები 6 Bible Online

ფსალმუნები 6 - სბს–2013 bible

ფსალმუნები 6

¹რვაძალიან საკრავზე. გუნდის ლოტბარს. ფსალმუნი დავითისა. უფალო! შენი გულისწყრომით ნუ მამხილებ, და შენი რისხვით ნუ დამსჯი მე.

²შემიწყალე, უფალო, რადგან უძლური ვარ; განმკურნე, უფალო, რადგან შეძრწუნდნენ ჩემი ძვლები.

³ჩემი სულიც შეძრწუნებულია; მაგრამ შენ, უფალო – როდემდე?

⁴შემობრუნდი, უფალო, იხსენ ჩემი სული, მიხსენ შენი წყალობისათვის.

⁵რადგან არ არის შენი ხსოვნა სიკვდილში; ვინ შეგასხამს შავეთში ქება-დიდებას?

⁶მოვიქანცე ჩემი ვაებით, ყოველღამ ვასველებ ჩემს ბალიშს, ცრემლებით ვალტობ ჩემს სარეცელს.

⁷დამეშრიტა წუხილით თვალნი, გადმომცვივდა მტრების სიმრავლისაგან.

⁸განმშორდით, უსამართლობის ყოველნო მომქმედნო! რადგან ისმინა უფალმა ჩემი გოდების ხმა.

⁹ისმინა უფალმა ჩემი ვედრება; უფალი შეიწყნარებს ჩემს ლოცვას.

¹⁰გაწბილდება და შეძრწუნდება ყველა ჩემი მტერი; უკუიქცევიან უეცარი შერცხვენისაგან.