Read სბს–2013 ფსალმუნები 62 Bible Online

ფსალმუნები 62 - სბს–2013 bible

ფსალმუნები 62

¹ფსალმუნი დავითისა, იუდას უდაბნოში ყოფნის დროს. ღმერთო! შენ ხარ ჩემი ღმერთი; შენ დაგეძებ, შენ სწყურიხარ ჩემს სულს, შენსკენ მოილტვის ჩემი სხეული, როგორც უკაცრიელ და გამოფიტულ, უწყლო მიწაზე;

²ასე გიხილე სიწმიდეში; ვიხილე შენი ძალა და დიდება შენი.

³რადგან სიცოცხლეზე მეტია შენი წყალობა, ჩემი ბაგენი გაქებენ შენ.

⁴ამიტომ გადიდებ მთელი სიცოცხლე, შენი სახელით აღვაპყრობ ხელებს.

⁵ქონითა და სიმსუქნით დამსუყდა სული ჩემი; აღფრთოვანებული ბაგეებით გაქებს პირი ჩემი, –

⁶როცა გიხსენებ ჩემს სარეცელზე, და მთელ ღამეებს ვფიქრობ შენზე;

⁷რადგან შენ იყავ დამხმარე ჩემი, შენს ფრთათა ჩრდილქვეშ ლხენით გიმღერი.

⁸შენ მოგტმასნია სული ჩემი; შენი მარჯვენაა ჩემი საყრდენი.

⁹ხოლო ისინი, ვინც ჩემი სულის დაღუპვას ეძებენ, უფსკრულში ჩავლენ!

¹⁰მახვილის წერა გახდებიან, ტურების კერძი შეიქნებიან!

¹¹მეფე კი გაიხარებს ღმერთით; განდიდდება ყველა, ვინც მას იფიცებს; სიცრუის მთქმელთა პირი კი დაიგმანება.