Read სბს–2013 ფსალმუნები 64 Bible Online

ფსალმუნები 64 - სბს–2013 bible

ფსალმუნები 64

¹გუნდის ლოტბარს. ფსალმუნი დავითისა. გალობა. შენ შეგშვენის ხოტბა, ღმერთო, სიონზე; შენ აღგისრულებენ აღთქმებს,

²შენ, შემსმენო ლოცვისა! შენთან მოვა ყველა ხორციელი.

³ჩადენილმა ცოდვებმა დაგვჯაბნეს, შენ შეგვინდობ ჩვენს დანაშაულს.

⁴ნეტარია, ვისაც ამოირჩევ და დაიახლოვებ, რომ იცხოვროს შენს ეზოებში! გავძღებით შენი სახლის, შენი წმიდა ტაძრის სიკეთით!

⁵დანაშაულზე ხსნით გვპასუხობ, ღმერთო, ჩვენო მხსნელო, დედამიწის ყველა კუთხისა და შორეული ზღვის მცხოვრებთა სასოებავ;

⁶შენ დადგი მთები შენი ძალით, გარს შემოირტყი ძლიერებით;

⁷შენ აწყნარებ ზღვათა ღრიალს, ტალღების ხმაურს, ერების მღელვარებას.

⁸აძრწუნებს კიდეთა მცხოვრებთ შენი სასწაულები; დილას და საღამოს აღვიძებ შენს სადიდებლად.

⁹კეთილად იხსენებ მიწას და რწყავ, დიდად ამდიდრებ მას; ნაკადი ღვთისა სავსეა წყლით; აძლევ ადამიანებს პურს, რადგან ასე მოამზადე იგი.

¹⁰მის კვლებს არწყულებ, ასწორებ მის ბელტებს, ჟუჟუნა წვიმით ალბობ, მის აღმონაცენს აკურთხებ.

¹¹აკურთხებ წელიწადის გვირგვინს შენი სიკეთით, შენი ნაკვალევიდან წვეთავს პოხიერება.

¹²წვეთავენ უდაბნოს საძოვრები, ქედები ლხენით იმოსებიან.

¹³საძოვრები ცხვრით აჭრელდებიან, დაბლობები მარცვლით იფარება; ღაღადებენ და მღერიან სიხარულით.