Read სბს–2013 ფსალმუნები 75 Bible Online

ფსალმუნები 75 - სბს–2013 bible

ფსალმუნები 75

¹გუნდის ლოტბარს. სიმებიან საკრავზე. ფსალმუნი ასაფისა. გალობა ცნობილია იუდაში ღმერთი, დიდია ისრაელში მისი სახელი.

²სალემშია მისი კარავი, ხოლო მისი სავანე სიონშია.

³იქ შემუსრა მან მშვილდის ისრები, ფარი და ხმალი, და ომი.

⁴დიდებული ხარ შენ, და უფრო ბრწყინვალე, ვიდრე მთები სალოცავი.

⁵გულმაგრები გაძარცვეს; ჩათვლიმეს, ჩაეძინათ, მეომრებს ხელებმა უმტყუნეს.

⁶შენი შემოტევით, ღმერთო იაკობისა, რული მოერია ცხენსაც და მხედარსაც.

⁷საშიში ხარ შენ! ვინ შეძლებს დადგეს შენს წინაშე განრისხების ჟამს?

⁸ზეციდან შეგვასმინე შენ სამართალი; დედამიწა შეშინდა და მიწყნარდა,

⁹როდესაც აღსდგა ღმერთი განსჯისათვის, ქვეყნიერების ყველა ჩაგრულის დასახსნელად.

¹⁰ადამიანის რისხვა გადაიქცევა მადლიერებად, ხოლო რისხვის ნატამალს შენ მოთოკავ.

¹¹აღუთქვით და აღუსრულეთ აღთქმანი უფალს, თქვენს ღმერთს, მის ირგვლივ ყველამ ძღვენი მიართვას საშიშს,

¹²ის ამდაბლებს მთავრებს, შიშის ზარს სცემს მეფეებს ამა ქვეყნისა.