Read სბს–2013 ესაია 39 Bible Online

ესაია 39 - სბს–2013 bible

ესაია 39

¹იმ დროს გაუგზავნა მეროდაქ-ბალადანმა, ბალადანის ძემ, ბაბილონის მეფემ, წერილი და საჩუქრები ხიზკიას, რადგან შეიტყო, რომ ავად იყო და გამოჯანმრთელდაო.

²გაიხარა ხიზკიამ მათი მოსვლით, და უჩვენა მათ თავისი საგანძურების სახლი, ოქრო-ვერცხლი და ნელსაცხებლები, და ძვირფასი ზეთები, მთელი თავისი არსენალი, და ყველაფერი, რაც მის საგანძურებში მოიპოვებოდა, არაფერი დარჩენილა ისეთი, რომ არ ეჩვენებინა მათთვის ხიზკიას თავის სახლსა და საბრძანებელში.

³მივიდა ესაია წინასწარმეტყველი მეფე ხიზკიასთან და უთხრა: „რა ილაპარაკეს იმ კაცებმა და საიდან მოვიდნენ შენთან?“ და უპასუხა მას ხიზკიამ: „შორი ქვეყნიდან მოვიდნენ ჩემთან, ბაბილონიდან.“

⁴და ჰკითხა ესაიამ: „რა ნახეს მათ შენს სახლში?“ და უპასუხა ხიზკიამ: „ყველაფერი ნახეს, რაც ჩემს სახლშია; არაფერი დარჩენილა ჩემს საგანძურებში, რომ არ მეჩვენებინა მათთვის.“

⁵და უთხრა ესაიამ ხიზკიას: „ისმინე სიტყვა ცაბაოთ უფლისა:

⁶აი, მოდის დღეები, და წაიღებენ ბაბილონში ყველაფერს, რაც შენმა მამებმა დააგროვეს ამ დღემდე. არაფერი დარჩება! – თქვა უფალმა.

⁷და ზოგიერთს შენს ძეთაგან, რომლებიც შენგან გამოვლენ, წაიყვანენ და საჭურისებად დააყენებენ ბაბილონის მეფის კარზე.“

⁸და უთხრა ხიზკიამ ესაიას: „კეთილია უფლის სიტყვა, რომელიც შენ თქვი, რადგან მშვიდობა და სიმტკიცე ჩემს დღეებში მაინც იქნება.“