Read სბს–2013 ოსია 8 Bible Online

ოსია 8 - სბს–2013 bible

ოსია 8

¹მძლავრად დასცხეთ ბუკი! ორბივით დააცხრება მტერი უფლის ტაძარს, რადგან გადავიდნენ ჩემს აღთქმას და რჯული დაარღვიეს.

²იღაღადებენ ჩემს მიმართ: „ჩემი ღმერთი ხარ შენ; ჩვენ, ისრაელიანები, გიცნობთ შენ!“

³უარყო ისრაელმა სიკეთე; მტერი დაუწყებს დევნას.

⁴მეფეები დაისხეს ჩემს უნებართვოდ, მთავრები დაისხეს ჩემს დაუკითხავად; თავიანთი ოქროთი და თავიანთი ვერცხლით გაიკეთეს კერპები თავის დასაღუპად.

⁵შენი ხბო მოვისროლე, სამარია! აღიგზნო ჩემი რისხვა მათ წინააღმდეგ. როდემდის არ უნდა განიწმიდნენ ისინი?

⁶რადგან ისრაელის საქმეა ეს: ოსტატის ნახელავია, ღმერთი არ არის; ამიტომაც დანაფოტდება სამარიის ხბო.

⁷და რაკი ქარს თესდენ, ქარიშხალს მოიმკიან. მათი თავთავი ფქვილს ვერ მოსცემს, და რომც მოსცეს, უცხოთა ლუკმა გახდება.

⁸დაინთქა ისრაელი; ახლა უსარგებლო ჭურჭელივით არის იგი წარმართთა შორის.

⁹ისინი აშურისკენ გარბიან კანჯარივით, მარტო რომ დადის; ეფრემი საჩუქრებით მოისყიდდა მისადმი პატივს.

¹⁰თუმცა გასცემდნენ ისინი ხალხებში, ახლა შევკრებ მათ; ცოტაც და, დაიტანჯებიან მთავართა მეფის ტვირთქვეშ;

¹¹რადგან ცოდვისათვის გაამრავლა ეფრემმა სამსხვერპლოები, – ცოდვისათვის აქვს მას სამსხვერპლოები.

¹²დავუწერე მას ჩემი მთავარი კანონები, მაგრამ უცხო სწავლებად შერაცხა მან იგი.

¹³სამსხვერპლოდ მოაქვთ ჩემთვის ხორცი და მიირთმევენ მას; უფალს არ მოსწონს ისინი; ახლა კი გაიხსენებს მათ უკეთურებას და მოჰკითხავს ცოდვებს; ეგვიპტეში დაბრუნდებიან ისინი.

¹⁴დაივიწყა ისრაელმა თავისი შემქმნელი და საკერპოებს აშენებს; იუდეამ გაამრავლა ციხე-ქალაქები; მაგრამ მე ცეცხლს მოვავლენ მის ქალაქებზე და ის შთანთქავს მის პალატებს.