Read სბს–2013 რიცხვნი 33 Bible Online

რიცხვნი 33 - სბს–2013 bible

რიცხვნი 33

¹ეს არის ისრაელიანთა ბანაკები, როცა გამოვიდნენ ისინი ეგვიპტიდან ლაშქარ-ლაშქარ მოსესა და აარონის წინამძღოლობით.

²მოსემ აღწერა მათი გამოსვლის ადგილები და მათი ბანაკები, უფლის ბრძანებით. და ეს არის მათი ბანაკები ამ გზაზე:

³რამზესიდან დაიძრნენ ისინი პირველი თვის მეთხუთმეტე დღეს, პასექის მეორე დღეს გამოვიდნენ ისრაელიანები, გაბედულად მთელი ეგვიპტის წინაშე.

⁴ხოლო ეგვიპტელნი მარხავდნენ თავიანთ პირმშოებს, რომელნიც უფალმა მოსრა, და მათ ღმერთებსაც მიაგო უფალმა სასჯელი.

⁵და აიყარნენ ისრაელიანები რამზესიდან და დაბანაკდნენ სუქოთში.

⁶აიყარნენ სუქოთიდან და დაბანაკდნენ ეთამში, რომელიც უდაბნოს განაპირას მდებარეობს.

⁷აიყარნენ ეთამიდან და დაბანაკდნენ ფი-ჰახიროთში, რომელიც ბაყალ-ცეფონის წინაა, და დაბანაკდნენ მიგდოლის წინ.

⁸აიყარნენ ფი-ჰახიროთიდან და გაიარეს შუაგულ ზღვაზე და გადავიდნენ უდაბნოში, და იარეს სამი დღის სავალი გზა ეთამის უდაბნოში, და დაბანაკდნენ მარაში.

⁹აიყარნენ მარადან და მივიდნენ ელიმში. და ელიმში იყო 12 წყაროსთვალი და 70 ფინიკის ხე იდგა, და დაბანაკდნენ იქ.

¹⁰აიყარნენ ელიმიდან და დაბანაკდნენ მეწამულ ზღვასთან.

¹¹აიყარნენ მეწამული ზღვიდან და დაბანაკდნენ სინის უდაბნოში.

¹²აიყარნენ სინის უდაბნოდან და დაბანაკდნენ დოფკაში.

¹³აიყარნენ დოფკადან და დაბანაკდნენ ალუშში.

¹⁴აიყარნენ ალუშიდან და დაბანაკდნენ რეფიდიმში, და იქ არ იყო სასმელი წყალი ხალხისათვის.

¹⁵აიყარნენ რეფიდიმიდან და დაბანაკდნენ სინაის უდაბნოში.

¹⁶აიყარნენ სინაის უდაბნოდან და დაბანაკდნენ კიბროთ-ჰათაავაში.

¹⁷აიყარნენ კიბროთ-ჰათაავადან და დაბანაკდნენ ხაცეროთში.

¹⁸აიყარნენ ხაცეროთიდან და დაბანაკდნენ რითმაში.

¹⁹აიყარნენ რითმადან და დაბანაკდნენ რიმონ-ფერეცში.

²⁰აიყარნენ რიმონ-ფერეციდან და დაბანაკდნენ ლიბნაში.

²¹აიყარნენ ლიბნადან და დაბანაკდნენ რისაში.

²²აიყარნენ რისადან და დაბანაკდნენ კეჰელათაში.

²³აიყარნენ კეჰელათადან და დაბანაკდნენ შეფერის მთაზე.

²⁴აიყარნენ შეფერის მთიდან და დაბანაკდნენ ხარადაში.

²⁵აიყარნენ ხარადადან და დაბანაკდნენ მაკჰელოთში.

²⁶აიყარნენ მაკჰელოთიდან და დაბანაკდნენ თახათში.

²⁷აიყარნენ თახათიდან და დაბანაკდნენ თერახში.

²⁸აიყარნენ თერახიდან და დაბანაკდნენ მითკაში.

²⁹აიყარნენ მითკადან და დაბანაკდნენ ხაშმონაში.

³⁰აიყარნენ ხაშმონადან და დაბანაკდნენ მოსეროთში.

³¹აიყარნენ მოსეროთიდან და დაბანაკდნენ ბენე-იაყაკანში.

³²აიყარნენ ბენე-იაყაკანიდან და დაბანაკდნენ ხორ-ხაგიდგადში.

³³აიყარნენ ხორ-ხაგიდგადიდან და დაბანაკდნენ იოტბათაში.

³⁴აიყარნენ იოტბათადან და დაბანაკდნენ ყაბრონაში.

³⁵აიყარნენ ყაბრონადან და დაბანაკდნენ ყეციონ-გებერში.

³⁶აიყარნენ ყეციონ-გებერიდან და დაბანაკდნენ ცინის უდაბნოში, ანუ კადეშში.

³⁷აიყარნენ კადეშიდან და დაბანაკდნენ ჰორის მთაზე, ედომის ქვეყნის საზღვარზე.

³⁸ავიდა აარონ მღვდელი ჰორის მთაზე უფლის ბრძანებით, და მოკვდა იქ ეგვიპტის ქვეყნიდან ისრაელიანთა გამოსვლის მეორმოცე წელს, მეხუთე თვეს, თვის პირველ დღეს.

³⁹აარონი იყო 123 წლისა, როცა მოკვდა ჰორის მთაზე.

⁴⁰ესმა ქანაანს, ყარადის მეფეს, რომელიც ცხოვრობდა ნეგებში, ქანაანის ქვეყანაში, ისრაელიანთა მოსვლის შესახებ.

⁴¹აიყარნენ ჰორის მთიდან და დაბანაკდნენ ცალმონაში,

⁴²აიყარნენ ცალმონადან და დაბანაკდნენ ფუნონში.

⁴³აიყარნენ ფუნონიდან და დაბანაკდნენ ობოთში.

⁴⁴აიყარნენ ობოთიდან და დაბანაკდნენ ყიე-ყაბარიმში, მოაბის საზღვარზე.

⁴⁵აიყარნენ ყიიმიდან და დაბანაკდნენ დიბონ-გადში.

⁴⁶აიყარნენ დიბონ-გადიდან და დაბანაკდნენ ყალმონ-დიბლათაიმში.

⁴⁷აიყარნენ ყალმონ-დიბლათაიმიდან და დაბანაკდნენ ყაბარიმის მთებში, ნებოს წინ.

⁴⁸აიყარნენ ყაბარიმის მთებიდან და დაბანაკდნენ მოაბის ველებზე, იორდანესთან, იერიხოს პირდაპირ.

⁴⁹დაბანაკდნენ იორდანესთან, ბეთ-იეშიმოთიდან აბელ-შიტიმამდე, მოაბის ველებზე.

⁵⁰და უთხრა უფალმა მოსეს მოაბის ველებზე, იორდანესთან, იერიხოს პირდაპირ:

⁵¹„დაელაპარაკე ისრაელიანთ და უთხარი მათ: როდესაც გადახვალთ იორდანეს გადაღმა ქანაანის ქვეყანაში,

⁵²განდევნეთ თქვენგან ყველა მკვიდრი იმ ქვეყნისა და მოსპეთ მათი ღმერთების ყველა გამოსახულება, და ყველა მათი ჩამოსხმული კერპი და ყველა მათი მაღლობი ააოხრეთ.

⁵³და დაეუფლეთ ქვეყანას, და იცხოვრეთ მასში, რადგან თქვენ მოგეცით ეს ქვეყანა, რათა დაიმკვიდროთ იგი.

⁵⁴დაიმკვიდრეთ ქვეყანა წილისყრით, თქვენი საგვარეულოების მიხედვით. მრავალრიცხოვანთ მეტი სამკვიდრო მიეცით და მცირერიცხოვანთ – ნაკლები. ვისაც სად შეხვდება წილი, იქ იყოს სამკვიდრო მისი; თქვენი მამების ტომთა მიხედვით დაიმკვიდრეთ.

⁵⁵და თუ არ განდევნით იმ ქვეყნის მცხოვრებთ თქვენგან, მაშინ ისინი, რომელთაც დატოვებთ, ეკლად გექცევიან თვალებში და ნარად – ფერდებში, და შეგავიწროვებენ თქვენ იმ ქვეყანაში, სადაც იცხოვრებთ.

⁵⁶და იმას გაგიკეთებთ თქვენ, რისი გაკეთებაც განზრახული მქონდა მათთვის.“