Read სბს–2013 მეორე რჯული 34 Bible Online

მეორე რჯული 34 - სბს–2013 bible

მეორე რჯული 34

¹და ავიდა მოსე მოაბის ველებიდან ნებოს მთაზე, ფისგას თხემზე, რომელიც იერიხოს პირდაპირაა. და უჩვენა მას უფალმა მთელი გალაადის ქვეყანა დანამდე,

²და მთელი ნაფთალი, და ქვეყანა ეფრემისა და მანაშესი, და მთელი ქვეყანა იუდასი, დასავლეთის ზღვამდე,

³და ნეგები და იერიხოს ხეობის შემოგარენი, ფინიკების ქალაქი, ცოყარამდე.

⁴და უთხრა უფალმა მას: „ეს არის ქვეყანა, რომელზეც შევფიცე აბრაამს, ისააკსა და იაკობს ასე: შენს შთამომავლობას მივცემ-მეთქი მას. საკუთარი თვალით გახილვინე, მაგრამ ვერ შეხვალ იქ.“

⁵და მოკვდა მოსე, უფლის მსახური, მოაბის ქვეყანაში, უფლის სიტყვისამებრ.

⁶და დამარხეს იგი მოაბის ქვეყანაში, ბეთ-ფეღორის პირდაპირ, ველზე, და დღემდე არავინ იცის მისი საფლავი.

⁷მოსე იყო 120 წლისა, როცა მოკვდა. თვალთ არ დაკლებია და ძალა არ გამოლევია.

⁸და დასტიროდნენ ისრაელიანები მოსეს მოაბის ველებზე 30 დღე. და მიიწურა მოსეს ტირილისა და გლოვის დღეები.

⁹და იესო, ნავეს ძე, აღივსო სიბრძნის სულით, რადგან ხელი დაასხა მას მოსემ. და ემორჩილებოდნენ მას ისრაელიანები და ისე იქცეოდნენ, როგორც უბრძანა უფალმა მოსეს.

¹⁰და აღარ აღმდგარა წინასწარმეტყველი ისრაელში მსგავსი მოსესი, რომელსაც პირისპირ იცნობდა უფალი,

¹¹ყველა იმ ნიშნითა და სასწაულით, რომელთა მოსახდენადაც მოავლინა უფალმა მოსე ეგვიპტის ქვეყანაში ფარაონის, ფარაონის ყველა მსახურისა და მთელი მისი ქვეყნის წინააღმდეგ,

¹²იმ ძლიერი ხელით და ყოველი დიდი სასწაულებით, რომელნიც მოიმოქმედა მოსემ მთელი ისრაელის თვალწინ.