Read სბს–2013 იესო ნავეს ძე 12 Bible Online

იესო ნავეს ძე 12 - სბს–2013 bible

იესო ნავეს ძე 12

¹აი, იმ ქვეყნების მეფეები, რომლებიც მოსრეს ისრაელიანთ, და დაიმკვიდრეს მათი ქვეყანა იორდანეს გაღმა აღმოსავლეთისაკენ, არნონის ხევიდან ხერმონის მთამდე, და მთელი ყარაბა აღმოსავლეთისკენ:

²ამორეველთა მეფე სიხონი, რომელიც ხეშბონში იჯდა და ეჭირა ქვეყანა ყაროყერიდან მოკიდებული, რომელიც არნონის ველის თავზეა და თვით არნონის ველი, გალაადის ნახევარი, ვიდრე იაბოკის ხევამდე, რომლის იქითაც ყამონელნი ცხოვრობენ;

³დაბლობი ქინერეთის ზღვამდე აღმოსავლეთით და ყარაბას ზღვამდე, ანუ მარილოვან ზღვამდე, აღმოსავლეთით ბეთ-იეშიმოთის გზის გაყოლებაზე სამხრეთით ფისგას კალთებამდე;

⁴ყოგის მიწა-წყალი, ბაშანის მეფისა, რეფაიმთა უკანასკნელი ნატამალისა, რომელიც მკვიდრობდა ყაშთაროთსა და ედრეყში.

⁵და განმგებლობდა ხერმონის მთაზე და სალქასა და მთელ ბაშანზე, გეშურელთა და მაყაქათელთა საზღვრამდე, და ნახევარი გალაადი, ხეშბონის მეფის, სიხონის, საზღვრამდე.

⁶მოსემ, უფლის მსახურმა, და ისრაელიანებმა მოსრეს ისინი; და მისცა იგი მოსემ, უფლის მსახურმა, რეუბენის ძეთ, გადის ძეთა და მანაშეს ნახევარტომს სამკვიდროდ.

⁷და აი, იმ ქვეყნის მეფენი, რომელნიც მოსრეს იესომ და ისრაელის ძეთ იორდანეს გაღმა, დასავლეთით, ლიბანის დაბლობზე, ბაყალ-გადიდან ლიბანის ველზე ვიდრე ხალაკის მთამდე, რომელიც სეყირისაკენაა გადაჭიმული (მთელი ეს მიწები იესომ მისცა ისრაელის ტომებს სამკვიდროდ: გაუნაწილა მათი დასების მიხედვით

⁸მთებიც, შეფელაც, იორდანეს ველიც, მთის კალთებიც, უდაბნოცა და ნეგებიც; ხეთელთა, ამორეველთა, ქანაანელთა, ფერიზელთა, ხიველთა და იებუსელთა მიწები):

⁹იერიხოს მეფე – ერთი; მეფე ღაისა, რომელიც ბეთელის გვერდითაა – ერთი;

¹⁰მეფე იერუსალიმისა – ერთი; მეფე ხებრონისა – ერთი;

¹¹მეფე იარმუთისა – ერთი; მეფე ლაქიშისა – ერთი;

¹²მეფე ყეგლონისა – ერთი; მეფე გეზერისა – ერთი;

¹³მეფე დებირისა – ერთი; მეფე გედერისა – ერთი;

¹⁴ხორმას მეფე – ერთი; მეფე ყარადისა – ერთი;

¹⁵მეფე ლიბნისა – ერთი; მეფე ყადულამისა – ერთი;

¹⁶მეფე მაკედასი – ერთი, მეფე ბეთელისა – ერთი;

¹⁷მეფე თაფუახისა – ერთი; მეფე ხეფერისა – ერთი;

¹⁸მეფე აფეკისა – ერთი; მეფე შარონისა – ერთი;

¹⁹მეფე მადონისა – ერთი; მეფე ხაცორისა – ერთი;

²⁰მეფე შიმრონ-მერონისა – ერთი; მეფე აქშაფისა – ერთი;

²¹მეფე თაყანაქისა – ერთი; მეფე მეგიდოსი – ერთი;

²²მეფე კედეშისა – ერთი; მეფე იოკნეყამისა, ქარმელში – ერთი;

²³მეფე დორისა, ნაფათ-დორში რომ არის – ერთი; მეფე გოიმისა, გილგალში რომ არის – ერთი;

²⁴მეფე თირცასი – ერთი. სულ 31 მეფე.