Read სბს–2013 იესო ნავეს ძე 19 Bible Online

იესო ნავეს ძე 19 - სბს–2013 bible

იესო ნავეს ძე 19

¹და მეორე წილი ხვდა სიმეონს, სიმეონის ტომის ყველა საგვარეულოს. და იყო მათი სამკვიდრო იუდას ძეთა სამკვიდროში.

²იგი შეიცავდა: ბეერ-შებაყს, მოლადას,

³ხაცარ-შუყალს, ბალას, ყეცემს,

⁴ელთოლადს, ბეთულს, ხორმას,

⁵ციკლაგს, ბეთ-მარქაბოთს, ხაცარ-სუსას,

⁶ბეთ-ლებაოთს და შარუხენს, სულ ცამეტ ქალაქს მათი დაბებითურთ;

⁷ყაინს, რიმონს, ყეთერს და ყაშანს – ოთხ ქალაქს მათი დაბებითურთ.

⁸და ყველა სოფელს, რომლებიც ამ ქალაქების ირგვლივ იყო, ბაყალათ-ბეერამდე და რამათ-ნეგებამდე, ეს იყო სამკვიდრო სიმეონის ძეთა ტომისა ყველა მათი საგვარეულოსათვის.

⁹იუდას ძეთა წილიდან გამოუყვეს სიმეონის ძეთ სამკვიდრო, რადგან დიდი წილი ჰქონდათ იუდაელთ; და დაიმკვიდრეს სიმეონის ძეთ მათ სამკვიდროში.

¹⁰მესამე წილი ერგო ზებულუნის ძეთ ყველა მათი საგვარეულოსათვის. მათი სამკვიდროს საზღვარი სარიდამდე აღწევდა.

¹¹სარიდიდან საზღვარი მიდიოდა დასავლეთისაკენ, მარყალასაკენ, და ეკვროდა დაბეშეთსა და იმ ველს, იოკნეყამის წინ რომ არის.

¹²და სარიდიდან უხვევდა აღმოსავლეთისაკენ ქისლოთ-თაბორამდე, და გადიოდა დაბრათისკენ, და მიიწევდა იაფიაყისკენ.

¹³და იქიდან გადიოდა აღმოსავლეთის მიმართულებით, მზის აღმოსავლეთისკენ, გათ-ხეფერისკენ, ეთ-კაცინისკენ, და გადადიოდა რიმონისკენ და უხვევდა ნეყასაკენ.

¹⁴და უხვევდა ის საზღვარი ჩრდილოეთიდან ხანათონისკენ, და თავდებოდა იფთახ-ელის ველზე;

¹⁵ამ სამკვიდროში შედიოდა კატათი, ნაჰალალი, შიმრონი, იდალა და ბეთლემი – 12 ქალაქი მათი დაბებითურთ.

¹⁶ეს იყო ზებულუნის ძეთა და მათი სახლეულობების სამკვიდრო – ეს ქალაქები მათი დაბებითურთ.

¹⁷ისაქარს ერგო მეოთხე წილი – ისაქარის მოდგმის ყველა საგვარეულოსათვის.

¹⁸და მათ წილში შედიოდა იზრეყელი, ქესულოთი, შუნემი,

¹⁹ხაფარაიმი, შიონი, ანახარათი,

²⁰რაბითი, კიშონი, ებეცი,

²¹რემეთი, ყენ-განიმი, ყენ-ხადა და ბეთ-ფაცეცი.

²²და ეკვროდა საზღვარი თაბორს, შახაცუმას და ბეთ-შემეშს. საზღვარი თავდებოდა იორდანესთან: 16 ქალაქი მათი დაბებითურთ.

²³ეს იყო სამკვიდრო ისაქარის ტომის ყველა საგვარეულოსი (ქალაქები და სოფლები მათ ირგვლივ).

²⁴და ერგო მეხუთე წილი აშერის ძეთა ტომს – ყველა მის საგვარეულოს.

²⁵და მათ სამკვიდროში შედიოდა ხელკათი, ხალი, ბეტენი, აქშაფი,

²⁶ალამელექი, ყამყადი და მიშალი. მათი საზღვარი დასავლეთით აღწევდა ქარმელსა და შიხორ-ლიბნათს.

²⁷მეორე მხარეს – აღმოსავლეთის მიმართულებით – საზღვარი მიდიოდა ბეთ-დაგონისაკენ, და აღწევდა ზებულუნისა და იფთახ-ელის ველის მიწებს ჩრდილოეთიდან. ამავე სამკვიდროში შედიოდა ბეთ-ყემეკი და ნეყიელი; შემდეგ საზღვარი გადიოდა ქაბულისაკენ ჩრდილოეთით;

²⁸ამ სამკვიდროში შედიოდა აგრეთვე ყაბდონი, რეხობი, ხამონი და კანა. საზღვარი აღწევდა დიდ ციდონამდე,

²⁹და უხვევდა რამასკენ, მიდიოდა ციხე-ქალაქ ცორამდე, იქიდან უხვევდა ხოსასკენ და თავდებოდა ზღვასთან. სამკვიდროში შედიოდა მახალები, აქზიბი,

³⁰ყუმა, აფეკი და რეხობი – 22 ქალაქი მათი დაბებითურთ.

³¹ეს იყო აშერის ძეთა ტომის სამკვიდრო ყველა მათი საგვარეულოსათვის – ქალაქები მათი დაბებითურთ.

³²ნაფთალის ძეთა შთამომავალთ – ნაფთალის ძეთა მოდგმის ყველა საგვარეულოს – მეექვსე წილი შეხვდა.

³³და იწყებოდა მათი სამკვიდროს საზღვარი ხელეფიდან და ცაყანანიმის მუხიდან, ადამი-ნეკებისა და იაბნეელის გავლით ლაკუმამდე მიდიოდა და, თავდებოდა იორდანესთან.

³⁴მეორე მხარეს – დასავლეთით – საზღვარი მიდიოდა აზნოთ-თაბორისკენ ხოლო იქიდან – ხუკოკისკენ. სამხრეთიდან მათი სამკვიდრო ესაზღვრებოდა ზებულუნს, დასავლეთიდან აშერს, ხოლო აღმოსავლეთიდან იორდანეს იუდას.

³⁵მათ სამკვიდროშია ციხე-ქალაქები: ციდიმი, ცერი, ხამათი, რაკათი, ქინერეთი,

³⁶ადამა, რამა, ხაცორი,

³⁷კედეში, ედრეყი, ყენ-ხაცორი,

³⁸ირონი, მიგდალ-ელი, ხორემი, ბეთ-ყანათი და ბეთ-შემეში – 19 ქალაქი თავისი დაბებითურთ.

³⁹ეს იყო ნაფთალის ტომის სამკვიდრო ყველა მათი საგვარეულოებისთვის – ქალაქები და დაბები მის ირგვლივ.

⁴⁰დანის ძეთა ტომს მთელი მათი საგვარეულოებისთვის ერგო მეშვიდე წილი.

⁴¹და მათ სამკვიდროში იყო ცორყა, ეშთაოლი, ყირ-შემეში,

⁴²შაყალაბინი, აიალონი, ითლა,

⁴³ელონი, თიმნა, ყეკრონი,

⁴⁴ელთეკე, გიბეთონი, ბაყალათი,

⁴⁵იეჰუდი, ბენე-ბერაკი, გათ-რიმონი,

⁴⁶მე-იარკონი და რაკონი და ასევე მიწები იაფოს პირდაპირ.

⁴⁷და დანის ძეთა მოდგმამ დაკარგა თავისი სამკვიდრო. მაშინ წავიდნენ დანის ძენი და შეებრძოლნენ ლეშემს, აიღეს იგი და მოსრეს მახვილის პირით, და იქ დასახლდნენ. და უწოდეს ლეშემს დანი, მათი მამის, დანის, სახელის მიხედვით.

⁴⁸ეს იყო დანის ძეთა ტომის სამკვიდრო მათი საგვარეულოების მიხედვით: ეს ქალაქები და მათი სოფლები.

⁴⁹და როცა მორჩნენ ქვეყნის დამკვიდრებას მისი საზღვრებითურთ, მაშინ მისცეს ისრაელის ძეთ სამკვიდრო იესოს, ნავეს ძეს, მათ შორის.

⁵⁰უფლის ბრძანებით მათ იესოს მისცეს ქალაქი თიმნათ-სერახი, რომელიც თავისთვის აირჩია იესომ ეფრემის მთაზე. და ააშენა ქალაქი და იქ დასახლდა.

⁵¹ესენი იყო სამკვიდროები, რომელნიც დაუმკვიდრეს ელეაზარ მღვდელმა, იესო ნავეს ძემ, და მთავრებმა ისრაელის ძეთა ტომებს წილისყრით შილოში, უფლის წინაშე, საკრებულო კარვის კარიბჭესთან. და ასე მორჩნენ ქვეყნის დანაწილებას.