Read lokele Yoane 2 Bible Online

Yoane 2 - lokele bible

Yoane 2

¹Nda lise lia asatɔ aaka nde liäla nda Kena bokenge wa Ngalilai, la nyango wa Yesu loyala omao;

²Yesu la baeki bande imɔ batomökö lioi nda liäla.

³Aomelökö bamɔ, nyango wa Yesu loonga lande mbo— Bat’imɔ la bamɔ.

⁴Yesu loonga lande mbo— ¿Lole loni to loasɔ ende’mi laɛ, Iya? Mbile yami ekayi kɔni.

⁵Nyango wande loonga la ebakaeli bieka mbo— Elokongek’Inde lanu, kelaka ngo ko ongolo.

⁶Yasɛlɔmɔ̈kɔ̈ omao mbutɛ bifi liambɛ eyatumäkä la balia bosola njala la bosoleli wa BaYuda. Mbutɛ lɔsɛlɛ loketi loa biangola litinda.

⁷Yesu loonga lau mbo— Tumesaka mbutɛ la balia, la iyo lotumesa yao ko la biɔngɔ fuu.

⁸Limɔ Inde loonga lau mbo— Angolaka kwani la kɛsɛkɛ bao ende ikomya sha elambɔ, iyo lɔkɛ la bao.

⁹Alailäkä ikomya elala ya balia ebasokinjwa kɔni bamɔ, angoluwa olo asosokwa la bao (nde bakaeli ba bieka ebaangoläkä bao nd’aluwäkä) inde lota bɔsɔngi lioi,

¹⁰inde loonga lande mbo— Batolome batotata bamɔ balau nda mɛsa, limɔ ani basowa bamɔ, batota eba ngai, kongo ko aɛ nd’asoisa ebasoeta l’olau ko nda kwani.

¹¹Yesu loakola ndembe ya tolombo ko la shao eshakeläk’Inde nda Kena, bokenge wa Ngalilai; ongoma Inde loisolaka tala yande, la baeki bande lolendeloko Inde.

¹²Mbisa yamao Inde lɔkɛ nda Kafenauma, la nyango wande, la bitungani yande, la baeki bande; iyo lotikala omao bacho bamɔi.

¹³Elambɔ-ya-Lieti ya BaYuda yaäkä tina, limɔ Yesu lɔkɛ nda Yelusaleme,

¹⁴la nda balɛlɛ ba Ndakɔ ya Mungu Inde loosha ebatoungekesa mbolo la bɛkɔkɔ la biküku, la bafetekwani ba bieto ebayalaka se omao;

¹⁵la Inde lokela inyɔli la tokulu, Inde losayaka iyo batotina lousa loa Ndakɔ ya Mungu, la bɛkɔkɔ la mbolo imɔ, Inde lɔwɛlɛ bieto ya bafetekwani se, Inde loukola mɛsa yau ukwa.

¹⁶Ende ebaungesi ba biküku, Inde loonga mbo— Kusokolaka ebi lousa, okindolëke Ndakɔ ya Sango wami kwa eölö ya liongo!

¹⁷Baeki bande loenyela mbo losotomo nda Lokasa mbo— Boliliya wolitesa ndakɔ yaɛ bosoola’mi itɔɔ.

¹⁸Eokao BaYuda lomutoel’Inde la lofelo mbo— Ototamb’iso eni ndembe ya isosha esitokel’aɛ la njasɔ-bi?

¹⁹Yesu lomutoel’iyo mbo— Ukolaka Ndakɔ-ye ya Mungu, la itoemesa yao liasi nda bacho basatɔ!

²⁰Limɔ BaYuda loonga mbo— Miaka kama inɛi la liambɛ yɛngani nde la liswi lia Ndakɔ-ye ya Mungu; ¿Nde Aɛ koemesa yao la bacho basatɔ kongo?

²¹Nde Inde nd’aongäkä loasɔ loa Ndakɔ ya Mungu eko bindo yande.

²²Eokao akatɛmwɛk’Inde nda liwa, baeki bande loenyela mbo aongäkä lioi-li la iyo loimela Lokasa loa Mungu la lioi eliaongak’Inde.

²³Ayaläk’Inde nda Yelusaleme nda mbile ya Elambɔ-ya-Lieti bato wike lolendelo lina liande ani bɛnɛ̈kɛ̈ ndembe ya tolombo etwakelak’Inde;

²⁴nde Yesu angɛnɛ atialendeloko iyo, eoka aluwäkä bato batotina la mbo atiaenökö mbo boto aluwesek’Inde loasɔ loa balomboki eoka Inde angɛnɛ nd’aluwäkä betema ya balomboki.