Read lokele Tomo Ya Batomomu 18 Bible Online

Tomo Ya Batomomu 18 - lokele bible

Tomo Ya Batomomu 18

¹Mbisa yamao Paulo losokwa nda Atenai, inde lɔkɛ nda Kolinto,

²la omao inde lotowana la ɔmɔi wa BaYuda, lina liande liko Akwila wa yese ya Ponto. Inde la wali wande ako Pulisekila basokwi ko kwani nda Italia, eoka Kaisala Kulaudia lota ndola mbo BaYuda batotina basokweke nda Loma.

³Paulo lɔkɛ fɛtɛti end’iyo, limɔ eoka bayalaka nde bato ba likuwa ko limwito, inde loyalaka amamwito lau la iyo losangana nda likuwa, eoka baaka basoli ba hema.

⁴Nde Yenga la Yenga Paulo loonganaka lau nda ɛsɔngɔmɛlɔ la mbo BaYuda la BaHela imɔ loimela.

⁵Asokwaka Sila la Timoteo nda Makedonia la iyak’iyo ende Paulo, inde lokɔkɔmɔ ko nda linangoli lia wɛndi, inde lolongamesela BaYuda mbo Masiya ale ko Yesu.

⁶Kongo ko afekaka iyo la limɔli, inde lofufoel’iyo esinda yande, inde loonga lau mbo— Bakila banu basowɛlɛmɛ ngo ko end’ino angɛnɛ, imi iti’mo la loasɔ loanu, kwani itɔkɛ ko ende bato ba tukela yasi.

⁷Eokao Paulo losokwa omao, inde lɔɔtɔ nda ndakɔ ya boto ako Tito Yuseto oyasemolaka Mungu. Ndakɔ yande lowatemana la ɛsɔngɔmɛlɔ.

⁸La Kilisipo, bokumi wa ɛsɔngɔmɛlɔ loimela Ngɛnɛ amamwito la bofindi wande, la bato wike ba Kolinto lokaka, iyo loimela, iyo lolufiomo.

⁹Limɔ la ocho ɔmɔi, Ngɛnɛ loonga la Paulo ko nda liɛni, mbo— Owangëke, ongaka to ndoonga, oyalëke tau,

¹⁰eoka Imi nd’ayali amamwito laɛ, angwɛnɛ oto oyatolukak’aɛ bɔfi nde kokeel’aɛ loasɔ lobe, eoka Imi yende la bato wike nda okenge-bo.

¹¹Ongoma Paulo lotikalaka ko omao ko tengai liu la bonanɛi, ani aekesak’iyo wɛndi wa Mungu.

¹²Nde ayalaka Galio Bokomonyi woeta wa yese ya Akaiya, BaYuda losangana la botema ɔmwito ndoundesa Paulo, la iyo loesh’inde oso wa yatelo ya njasɔ.

¹³Iyo loonga mbo— E-boto-yo asofɔɔlɔ bato mbo basemoleke Mungu la lisemoli elitikuliomo la baiti.

¹⁴Nde aliolaka Paulo bɔnɔkɔ wande, Galio loonga la BaYuda mbo— Yambo lole litwanelo ango ko loasɔ loetela lobe, ani yɛni nde litina liokaka loasɔ loanu, BaYuda;

¹⁵nde eya lole loasɔ loa baoi la baina la bikela eyanu angɛnɛ, ino angɛnɛ komiaka loao; imi angɛnɛ itikulie ndoyala wati wa loao.

¹⁶Limɔ inde losayak’iyo nda yatelo ya njasɔ.

¹⁷Limɔ iyo yaatotina lokuwamela Sostene botoli oso wa ɛsɔngɔmɛlɔ, iyo loomak’inde omao oso wa yatelo. Kongo ko Galio atiakɛsɛlɛkɛ loasɔ iyɛli ango sinyo.

¹⁸Ongoma Paulo lotikala omao bacho sumbu wike, limɔ inde losɛnyana la beoto, inde lɔkɛ nda Sulia la watɔ wa lofofo amamwito la Pulisikila la Akwila; inde lotena swee nda Kɛnɛkɛlɛa eoka asotinya ɛkanɔ ongoma.

¹⁹Limɔ iyo loiya nda Efeso, la Paulo lotika ebamɔi ko omao, nde inde angɛnɛ lɔɔtɔkɔ ɛsɔngɔmɛlɔ okaongakana la BaYuda omao.

²⁰Limɔ afelak’iyo mbo Paulo umweke kɔni lau, atiakuliaka,

²¹kongo ko asenyanaka inde lau, inde lotikel’iyo lisakä mbo— Mungu esanga ongoma, imi koinwa end’ino liasi.

²²Lamao inde losokwa nda Efeso la watɔ wa lofofo; asaowak’inde nda Kaisalia, inde lɔkɛ okaseela Etanda, limɔ inde loinwa ko nda Antiokia.

²³Umwak’inde omao mbile bimɔi, inde lɔkɛ nda yese etotina ya Galatia la eya Pelungia ko la bokenge la bokenge, inde lɔkɔkɔmɛsɛ baeki batotina.

²⁴Boto wa BaYuda ako Apolo wa bokenge wa Alesandulia loiyela Efeso nda mbile ena; aaka elälä nda lioi la oyaluwaka Kasa ya Mungu la wɛlï finɛ.

²⁵Boto-yo aekesomoko nda njasɔ ya Ngɛnɛ la eoka botema wande bosokimela, inde lokakambese la ndokekese bato njasɔ ya Yesu la wɛlï, nde aluwaka ko lilufi lia Yoane.

²⁶Inde loakola to ndoonga nda ɛsɔngɔmɛlɔ la lotendela; okaka Pulisikila la Akwila ongoma, iyo lɔɔsɔ’inde eyau, iyo losanoel’inde liekesi lia njasɔ ya Mungu sanosano.

²⁷Asangak’inde okaleka nda Akaiya, beoto lokulia finɛ, iyo lɔsɔnɔ lokasa ende baeki nda Akaiya mbo banyangelek’inde; iyak’inde omao, inde losungaka finɛ ebimelaka ko la booto wa Mungu,

²⁸eoka inde lolongaka BaYuda fɛɛ ko fololo nda baiso ba bato, inde loaesa loao se ko la baoi ba Kasa ya Mungu mbo Yesu ende Masiya.