Read lokele Tomo Ya Batomomu 6 Bible Online

Tomo Ya Batomomu 6 - lokele bible

Tomo Ya Batomomu 6

¹Nda mbile ena eyaulwaka loketi loa baeki, BaHɛlɛnɛ lokimakimela BaEbele eoka mbo ebawelu balome bau baomelesomökö nda bakaɔ ba lise la lise.

²Eokao eba liu la ambale losɔngɔmɛsɛ etunda ya baeki, iyo loonga lau mbo— Lotiengane lasu mbo tomacheke ndonangola Lioi lia Mungu ndokakela likuwa lia mɛsa;

³eokao, Beoto, aaka bato bosambale banu ba lokuku lolau, ebasotuma la Bolimo Botanu la wɛlï la totof’iyo isosha sha e-likuwa-li.

⁴Nde iso nd’atotimbanaka la lisomboli la linangoli lia lioi.

⁵Batotina ba etunda looka olau nda baoi-ba; iyo loaa e-bato-ba, bako-Setefano, boto oyatumaka la liimeli la Bolimo Botanu, la Filipo, la Pɔlɔkɔlɔ, la Nikanola, la Timona, la Pamena, la Nikolau ewa ndimela wa Antiokia.

⁶Iyo loemesa e-bato-ba oso wa Batomomu, limɔ mbisa ya lisomboli, iyo lotelel’iyo bangasa nda botö.

⁷Lamao lioi lia Mungu lɔsɛngɛ finɛ la loketi loa baeki nda Yelusaleme loulwaka likama la bokamu wa kanga lolitesa liimeli-li.

⁸La Setefano oyatumesomoko la booto la bofoka, inde lokela ndembe ya bisisho wike sisi ya bato.

⁹Nde bamɔi ba ɛsɔngɔmɛlɔ ya ebatotangomu Libetino la eba Kulɛnɛ la eba Alesandulea, la eba Kilikia la Asia, iyo loemakala ndowalana la Setefano,

¹⁰nde batiakɔkɔlɔkɔ ndolongela wɛlï la bolimo ewaongaka lande.

¹¹Eokao iyo lofɔlɔ bato ba fɔki mbo baongeke mbo— Tosok’inde atoonga baoi bosɛɔlɔ Mɔsɛ la Mungu imɔ.

¹²Ongoma iyo lofumbesa bato la biange la batikasa, limɔ iyo loyaosha Setefano, iyo loundes’inde la shɔngɔlɔ, iyo loesh’inde oso w’ikumbɛ.

¹³Limɔ bawanjeli ba nanga loemesana ebaongaka mbo— E-boto-yo angomacha ndoonga totefola loasɔ loa Elela-ye etanu la Bikela imɔ.

¹⁴Tosok’inde atoonga mbo Yesu wa Nasaleta-yo efandolaka elela-ye la ekindolaka biyaelo yasu eyafomoko iso la Mɔsɛ.

¹⁵Batotina ebayalaka se nda ikumbɛ lowɛlɛ inde bonono, iyo lɔɛnɛ bɔmbɔ wande kwa bɔfɔnɔ wa bɔmbɔ wa Bokitomo.