Read lokele Baloma 12 Bible Online

Baloma 12 - lokele bible

Baloma 12

¹Bitungani yami, itolɔmbɔkɔl’ino ko l’eoka ya booto wa Mungu mbo ino bücheke bindo yanu nda etambelo ya lifaefi ende Mungu, lifaefi elile la liwawi la botanu ebotoomales’Inde, eoka mbo liyaleke lifaefi lia botema eliengani wewe.

²Boyaeli wanu boyalëke kwa ewa bato ba e-mbile-ye, kangä boyaeli ebosokikolomo ko boyaeli boyai wa betema yanu mbo oluwakeke lisangi lia Mungu la njasɔ yande ebile bilau, eyakuliomoko lande, ebisoɔlɔlɔ hɔlɔhɔlɔ.

³Isoonga to lanu batotina ebale eyanu, ko la isosha sha booto esifomu nde’mi, mbo oyalëke la bɔmɛtɔ la ifääla shoetela, kongo ko ndoenyakelaka liikami se kwa asokaela Mungu okaela oto la oto ikwelo sha lilendelu.

⁴Kwa iso tole la bilengo wike nda bindo ya oto la oto, la elengo la elengo eti la likuwa ko limwito;

⁵ko ongoma iso ebale wike, twende ko bindo ɛmwito ende Masiya la oto la oto ende ko elengo ende wina.

⁶Tosofomo to bafi bako ishosha sha likuwa lia bɔfɔɔnɔ la bɔfɔɔno kwa afomu nd’iso lifaefela; oyasofomo litɔndɔli, atɔndɔlɛkɛ ko la likaɔ elifomu end’inde,

⁷ambo ende likuwa lia bosungi, asungeke to Etanda, oyasofomo boekesi, aekekeseke;

⁸oyasofomo lifumbesi, aongeleke bato la lifumbesi; bokusokoli wa lifaefi, ambo ko la bofäfä; oyasofomo botoli oso, ambo ko la itinjo; oyatɔkɛkɛ fɛtɛti ya booto, akɛkɛ la bɔfɔɔmu la limɛngɔ.

⁹Losamɔ loanu lotayala la bolimbake,

¹⁰siyamaka la bobe sia; wachanaka la bolau, ino beoto ya Etanda samanaka kwa bofindi ɔmɔi; wina atalieke wina lande tala.

¹¹Yalaka l’itinjo, inga l’ilemolemo; yalakaka ko la Bolimo, kuwelaka Ngɛnɛ la bowangemu.

¹²Omalakaka la iyɛli, kɔkɔmɔkɔ nda bakongolomu; sombokolaka la boliliya.

¹³Kaelaka ebaEtanda yao ebile lau la boeno, sungak’iyo la bieka nda kɛndɔ yau.

¹⁴Samboelak’iyo ebatokongol’ino, sambolaka, osendëke bieo.

¹⁵Omalaka amamwito l’ebatoomala, lelaka l’ikɛnɛnɛ amamwito l’ebatolela.

¹⁶Yalanaka la lisangi la botema ko ɔmɔi; oyalëke la bɔfɛnɔa, nde kɛsɛnɛkɛ l’eba touwe. Oyalëke l’ifääla shoenyela mbo wɛlï waɛ bosoetela.

¹⁷Okundanëke bobe ko la bosakane, enyaka ko ebiɛliami nda baiso ba bato batotina.

¹⁸Bokɔkɔlɔ, ino koyalakanaka la batotina la lilatemi.

¹⁹Ebasamomu lami, okundakanëke bakundo, nde faka efango ya Mungu fofe, eoka loasɔnɔmɔkɔ nda Lokasa loande mbo— Ngɛnɛ Mungu mbo— Likundeli lile ko loasɔ loami, Imi nd’atosakanesa njasɔ.

²⁰Kongo ko wiyeli waɛ eokaka isiyɛ, fak’inde bieka; eokaka yɛmɛ ya balia, fak’inde amweke. Ongoma otowɛlɛ bösä wa sɔni nda botö wande. Okwesomöko liangɔ elitonana bobe, kongo ko kwesaka bobe ilangɔ ko la bowangɔ boko bolau.