Read lokele 1 Bakolinto 4 Bible Online

1 Bakolinto 4 - lokele bible

1 Bakolinto 4

¹Tɛnɛngo, taenyelaka mbo iso twende ko basali ba Masiya la ebatoisokoela bato njasɔ ya Mungu ebiisomu ko mbiso;

²nde oyatofomo likuwa-li, ambo aondu nde wolendelomu nda liao.

³Ende’mi lole ngo ko loasɔ lɔkɛkɛ ani likuwa liami lisotichakomo lanu ango ko la ikumbɛ sha bato basi, la imi angɛnɛ imɔ itikɔtɔlɛ likuwa liami.

⁴Itiluwe mbo eliami likuwa lile la litwanelo, kongo ko ititange mbo iti to la litwanelo; oyatokɔtɔlɔ’mi ale ko Ngɛnɛ Yesu.

⁵Eokao otafëke loasɔ se oso wa mbile ya loyo loa Ngɛnɛ oyatɔɛnɛsɛ fololo yao ebikoisama nda botufɛlɛ, atoisola kuko ya betema ya bato; kwaamao oto la oto atokaelomo loomalo eloande ko la Mungu angɛnɛ.

⁶Bitungani yami, nda njasɔ-bi isoonga kwa mbo bile ko loasɔ loasu la Apolo ko l’eoka yanu kongo, mbo boekeke ko lasu litina lia liölo-li, liko mbo— Angoakala lioi lia Lokasa; mbo ɔmɔi atayala la bɔmɛtɔ wolongela wasi.

⁷¿Ndai to nd’asolongesa ɔmɔi wanu likolo lia wina? ¿Loni elole laɛ elotifomo oso end’aɛ? ¿Wafomo to; monito otofaema la bɔmɛtɔ kwa mbo otifomo lifaefela?

⁸Oisokanelo! Oisoyala oko bafoka! Oisoya bɛkɔta angotasungomo ko lasu batomomo! Aina to bolau mbo boyaleke bɛkɔta, ongoma la iso lanu toyalaneke imɔ l’isosha sha bɛkɔta!

⁹Itangi nde mbo Mungu asotamb’iso Batomomo liili kwa bato ebasamboolomo ko bɔkɛcha nda baiso ba wenda bototina, la ende bakitomo la bato lisanga.

¹⁰Iso twende bibebe eoka ya Masiya; nde ino wende bato ba liluwani eoka ya Masiya. Iso twende bilɛli ya bato, nde ino wende to baesesi. Ino wende bato bolitesomo; nde iso twende bichambelo ya bato.

¹¹Konda eweuse tole la boeno wa yeka yola la yomwa, tosolengeela bisinda yowata; totoomakomoko mbaka, twende tɔkɛndi twa bato, angwɛnɛ bokenge.

¹²Tosoya imɔ basali, totokela bakuwa la besamba yasu angɛnɛ; atomɔlɔmɔ iso, totosambola bato; atokongolomo iso, tosoikamaka se;

¹³Atotɔngɔmɔ iso, tosɔɔnjɔnjɛl’iyo. Tosotangokomo ko wisi la lialala lia bokenge konda eweuse.

¹⁴Itisɔnɛl’ino ebaoi-ba ko ndokes’ino sɔni kangä ndofaef’ino bana basamomu bami ko liɛngɔ,

¹⁵eoka ambo boyala la ambɔlɛ wa baekesi ba Masiya, kongo ko boti to la basango wike; imi nd’asokinjwa oyaot’ino ko la Mboli Ilau nda lina lia Yesu Masiya.

¹⁶Isotinjak’ino to mbo bokweekela’mi.

¹⁷Eokao isotomel’ino Timoteo oyale imɔ ko wana wami bosamomu wa lilendelu lia Ngɛnɛ, la oyatoenyeles’ino bɛkɛndɛli yami yotuta Yesu Masiya, chaa kwa atoekekesa’mi lolo lolo nda bitanda bitotina.

¹⁸Bamɔi basoonga la bɔmɛtɔ mbo imi angoya end’ino,

¹⁹nde eyambo Ngɛnɛ esanga ongoma, yeyaka to lisasaya limɔ yeluwaka bofoka angɛnɛ wa bato ana ba bɔmɛtɔ, inga baoi ebatoong’iyo;

²⁰eoka Bɔkɔta wa Mungu boti loasɔ loa boongaonga kangä loa bofoka wa Bolimo.

²¹¿Olɛmbi to iye? ¿Mbo iyeke end’ino la likuchi kwa mbo iyeke la losamɔ la botema sambo?