Read lokele Bafilipoi 2 Bible Online

Bafilipoi 2 - lokele bible

Bafilipoi 2

¹Eya to mbo Masiya eyala l’isosha shofumbes’ino, la losamɔ ango ko la booto wa Bolimo ango la ngandi la shota,

²tumesaka botema wami la limɛngɔ ko la liyalani lianu la botema ɔmwito, la losamɔ ko lɔmɔi, la lisangani limɔi la lienyakeli limɔi imɔ.

³Okelëke loasɔ ango lɔmɔi ko la lomuli loa bɔmɛtɔ la lɔfɔlɔ, kangä la liikami se, la boto la boto atangeke mbo wina nd’alongel’inde angɛnɛ.

⁴Boto la boto atatakela ko eyande angɛnɛ bolenda, kangä imɔ ko eya bato basi.

⁵Yalaka to la bolimo ona nda betema yanu ewayalaka nda botema wa Masiya Yesu,

⁶kwa ani ayalak’Inde la liluku lia Mungu angɛnɛ, atiatangaka mbo ndoyala la liluku lia Mungu lole loasɔ lotuchomo,

⁷kongo ko Inde lɔwɛlɛ tala yande se waa, Inde lɔɔsɔ liluku lia bɔkɔwa ani aotomoko la bɔfɔnɔ wa boto;

⁸aoshomokö Inde la boyaeli wa boto angɛnɛ, Inde loikama imɔ se la lilitesi suu ko nda liwa, ambo liwa nda lieka angɛnɛ.

⁹Eokao Mungu asotalia Inde tala likolo lia yaatotina, la asofaef’Inde lina liolongela baina batotina,

¹⁰mbo nda lina lia Yesu, batotina baswakameke balwi se, ko eba Use la eba ono se, ko eba ewelo; la mbo

¹¹ndamɛ bitotina biaokoleke mbo YESU MASIYA ale NGƐNƐ mbo Mungu Sango inelomoko la tala.

¹²Ongoma to, ebasamomu lami, kwa alitesak’ino oso, imɔ ko kwani kɔkɔmɛlɛkɛ nda liuwesi lianu la bɔwa la liwangi, inga ani ayali’mi lanu kongo nde simbi to ani itiyale tina lanu;

¹³eoka ale ko Mungu oyatof’ino la lisangi la bofoka wokela kwa asolɛmb’Inde angɛnɛ nda likomyi liande.

¹⁴Kelaka bitotina ebikakelek’ino angokimakima la tofenya,

¹⁵mbo oyaleke l’esaela l’angwɛnɛ litwanelo, kwa bana ba Mungu ebatiɛnɛlɛ la litwanelo atiteni ya fɛtɔ ya bato ba tofenya la bɛtɛkɔ; sisi ya bato ana, ino nd’atoɛnɛlɛ kwa tɔmwɛli nda wenda-bo,

¹⁶ani ososɛlɛ Lioi lia loiko. Ongoma to mbo nda lise lia Masiya yomaleke mbo itikwe fɔmbi ko wawa, la mbo itikele likuwa lia bonui ko likeela.

¹⁷Ango liwawi liami liwɛlɔmɔ likolo lia litambi lia lilendelu lianu, imi kokaka limɛngɔ la imi kofichana lanu limɛngɔ finɛ.

¹⁸Ino imɔ ko ongoma, okaka limɛngɔ la fichanaka lami limɛngɔ finɛ.

¹⁹Nde iɛli shami, la Ngɛnɛ Yesu ekulya, sile shotoma Timoteo end’ino lisasaya, mbo imi imɔ yaimweke botema ani akokeke’mi mboli yanu.

²⁰Eoka iti la boto wasi wotakela bolenda wa njasɔ yanu kwa asokelak’inde;

²¹eoka basi batotina batotutaka ko eyau njasɔ kongo, inga to eya Masiya Yesu.

²²Oluwi nde mbo osokulya inde, mbo asosunga kwa sango la wana amamwito lami nde likuwa lia Mboli Ilau.

²³Ile la iɛli shotom’inde nda mbile eyekaluweke’mi kwa atokomyomo loasɔ loami,

²⁴nde isolendelo Ngɛnɛ mbo imi angɛnɛ itoya end’ino lisasaya.

²⁵Nde isoenyela mbo engani ndotomel’ino Epafulotito, ale etungani la bokuwani lami la bosilikani amamwito lami, al’imɔ wɛndi wanu oyasotom’ino otomela’mi ndoyasungaka’mi nda beeno ebile lami.

²⁶Eoka ayalaka la yɛmɛ yɔɛn’ino nda ikɛnɛnɛ shande eoka ino wokaka mbo ayalaka la lokambo.

²⁷Ayalaka nde la lokambo wewe oko tina lowa, nde Mungu lookel’inde ngandi, la inga to inde angɛnɛ kongo, kangä imɔ ko lami lisanga, mbo itoka ikɛnɛnɛ sha likama.

²⁸Eokao isoumama otomel’ino inde lisasaya, mbo akɛnɛkɛ ino wɛnɛ inde liasi, bokeke limɛngɔ finɛ la mbo eshami ikɛnɛnɛ sisileke sumbu.

²⁹Aelaka to inde la limɛngɔ la booto eoka ya Ngɛnɛ, litesaka ebayali kwa inde,

³⁰asikiowa eoka ya likuwa lia Masiya, ani ataka liwawi liande se kwa mbele mbo inde aɔlɔlɛkɛ lisungi eliomeluku ino liosunga’mi.