Read lokele Baebele 1 Bible Online

Baebele 1 - lokele bible

Baebele 1

¹MUNGU oyaongaka la batata basu kwala mbile la mbile, ko la bɛnɔkɔ ya batɔndɔli la kanda la kanda ya boongeli,

²asoonga lasu imɔ kwani nda bacho-ba ba liili ko la Wana, oyasosangesomo yaatotina ko la Mungu. Ko lande Mungu lokel’imɔ bitotina ebile nda wenda-bo.

³Ayalaka bongalikimi wa tala ya Mungu la boyaeli wa liluku eliengani chaa la elia Mungu; ayalaka Bosukamesi wa wenda bototina ko la Lioi liande lia bofoka. Asilak’Inde ndotanekes’iso batwanelo la bobe, Inde loyala se nda bosamba w’olome wa Oyaeti ako Mungu olikolo nda use,

⁴ongoma asolongela bakitomo fɛɛ, eoka asosangola lina elisolongela baina bau fɛɛ.

⁵¿Aongaka to la boni bokitomo la eni to mbile, mbo— Aɛ wende wana wami, Imi nd’asoot’Aɛ louse-lo? La liasi mbo— Itoyala nde Sango end’Inde, la Inde nd’atoyala wana ende’mi.

⁶La liasi imɔ, aeshelak’Inde wana wande wa oso ende balomboki nda wenda, Inde mbo— Bakitomo batotina ba Mungu basemolek’Inde.

⁷Nde nda loasɔ loa bakitomo, Inde loonga mbo— Inde nd’asɛli fofo mbo bakitomo bande, La ndamɛ ya bosa mbo ebatolites’Inde.

⁸Nde nda loasɔ loa Wana, Inde loonga mbo— Ee Mungu, kɛka yaɛ elayalaka layalaya, Isosola sha isosha shaɛ, sile sha Bɔkɔta wande.

⁹Ososamaka liengani, nde osoiyela litefokoli lia bikela; Eokao Mungu, ako Mungu waɛ, asosiy’Aɛ la baita büch’Aɛ la limɛngɔ liolongela elia basaɔ baɛ.

¹⁰La imɔ— Aɛ, Ngɛnɛ, waswaka bisukamelo ya wenda nda baakoelo, Buse bole ngo ko likeli lia besamba yaɛ angɛnɛ;

¹¹Wao bolasɛɛsɛlɛkɛ, nde Aɛ bolatikalaka la lokato, Bilaulamaka kwa bisinda ebisowa baɔmbɔ.

¹²Aɛ bolaundukolaka wao kwa esinda ya bɔsɔkɔ, La bilafangolomoko kwa shɛmɛsɛ; Nde Aɛ wende ngo ko ano, La miaka yaɛ bitilatungek’imɔ.

¹³¿Nde aongi to la boni bokitomo la eni mbile, mbo— Yalaka se nda fangi ya bosamba wami wa olome, Konda akateke Imi baiyani laɛ kwa esolo ya batindi baɛ?

¹⁴¿Bakitomo batotina baisoyalaka belimo ebitosemokola Munga la ebitomomu okasungaka loasɔ loa ebakasangoleke liuwesi?