Read lokele Baebele 3 Bible Online

Baebele 3 - lokele bible

Baebele 3

¹Eokao to, Bitungani ebasüchomo, ino ebasotomo lioi elisosekwa nda use end’ino yaatotina, enyakelaka Botomomu la Kanga Eyeti oyasoaolelomo ko lasu, ako Yesu,

²oyayalaka wolendelomo nda lotimbana end’Inde oyafaefak’Inde isosha, la Mose ko ongoma loyala la lotimbana nda likɔmɔnyi litotina lia ndakɔ ya Mungu.

³Eoka Yesu asofaefomo tala ya isosha ndolonga eya Mose, kwa boswi la bokomyi wa ndakɔ asofaefomo tala la lilitesi yolongela eya ndakɔ eyaswak’inde.

⁴Ndakɔ la ndakɔ esoswomo la boswi, nde oyaswaka la oyakomyaka yaatoti ale ngo ko Mungu.

⁵Mose ayalaka to la lotimbana lolendelomo nda likɔmɔnyi lia ndakɔ ya Mungu, kwa Bosungi mbo aluweseke njasɔ ebikaongomoko end’inde mbisa,

⁶kongo ko Masiya ayalaka la lotimbana lolendelomu elole eloa Wana angɛnɛ nda ndakɔ ya Mungu. La iso nd’ayali bofindi wa ndakɔ yande, eya to mbo tokɔkɔmɛlɛ lotendela la bofiili nda iyomala sha iɛli shasu.

⁷Eokao lole kwa asoonga Bolimo Botanu mbo— Louse-lo boka lioi liande,

⁸Okwelöko betema bewaü kwa akelaka batata la litefokoli; Nda lise lia likotelomu nda liɔmbɛlɛ,

⁹Olo akotelaka batata banu okotela’mi, Limɔ iyo bɛnɛkɛ̈ tokesa etwakelaka’mi ko miaka kana inɛi.

¹⁰Eokao yasomaka la fɛtɔ ena, la imi loonga mbo— Basoeyaeyaka mbile bitotina nda betema yau, Batiluweke mboka yami.

¹¹Kwa atinyaka’mi ekanɔ nda lisomi liami, mbo— Batilaɔtɛk’imɔ nda baɛumɛlɔ bami.

¹²Bitungani, tichaka, eluwa ɔmɔi wanu atayala la botema obe wotaka fee, la wosɛnyanes’ino la Mungu wa liwawi.

¹³Nde fumbesakanaka lise la lise, ani akotangomu buse mbo Louse, mbo boto angɔmɔi wanu atakwelo botema bowaü ko la bolimbake wa bobe.

¹⁴Eoka, eya to mbo tounda lilendelu ko ngwi konda liakoli konda liko, anyo iso kootwana la Masiya,

¹⁵kwa asoongomo lioi mbo— Louse-lo boka lioi liande, Okwelöko betema bewaü kwa akelaka batata la litefokoli.

¹⁶¿Bandai to ebokaka lioi-li batefokolaka Mungu? ¿Batiayalaka nde batotina ebasokwaka nda Ejipeto ko la Mose?

¹⁷¿Mungu asomaka nde la yandai ko miaka kama inɛi? Batiaaka ebakelaka obe la ebakwaka belyo se nda liɔmbɛlɛ?

¹⁸¿Atinyaka nde ekanɔ ende bandai, mbo batilaɔtɛk’imɔ nda baɛumɛlɔ bande, sakolo ngo ko iyo ana ebatefolak’Inde?

¹⁹Eokao tosɔɛnɛ mbo batiakɔkɔlɔkɔ ndɔɔtɔ ina eoka batiaaka la lilendelu.