Read lokele Baebele 5 Bible Online

Baebele 5 - lokele bible

Baebele 5

¹Eoka kanga-eyeti oyasoaomo ende bato asofomo isosha shoongela bato nda njasɔ ya Mungu, mbo atambeke Mungu bafaefi la nyama yofechomo eoka ya batwanelo.

²Atokɔkɔlɔ ndowela eba botutuku ebale la batwanelo ngandi, eoka inde angɛnɛ asowa imɔ ko la biale.

³Ko la litina-li aondu nde ndotamba batambi loasɔ loande angɛnɛ imɔ ko loasɔ loa bato batotina.

⁴Nde boto aitotalema tala ko la isosha shande angɛnɛ nda likuwa-li, kangä ani asotomo lioi ko la Mungu, kwa atomoko ko Alana lioi.

⁵Ko ongoma, Masiya atiatalemaka Inde angɛnɛ tala yoyala Kanga-Eyeti, kangä Inde ataliaka Masiya oyaongaka mbo— Aɛ wende Wana wami, Imi nd’asoot’Aɛ louse-lo.

⁶La nda bɔɛlɛ wasi mbo— Aɛ wende Kanga konda layalaya, ko la liluku lia Mɛlɛkisɛdɛkɛ.

⁷Ayalak’Inde ako Yesu la bindo ono, Inde losombola, Inde lolɔmbɔkɔlɔ la bileli finɛ la foo wike end’Inde oyasokɔkɔlɔ ndouwes’Inde nda liwa la Inde lolailomo ko eoka ya lilitesi ende Mungu.

⁸Ango aaka ngo Wana, nde Inde loeka lilitesi ko l’eoka mbo Inde looka bemusi,

⁹limɔ aɔlɔlɔmɔkɔ Inde, Inde loya Ngɛnɛ wa liuwesi lia lokato ende ebatotina ebatolitekes’Inde,

¹⁰l’ani asosingwomo ko la Mungu la lina liko Kanga-Eyeti ko la liluku lia Mɛlɛkisɛdɛkɛ.

¹¹Tole la njasɔ wike yoonga loasɔ loande, njasɔ ebile biwau yosanoela litina eoka osoya la tolao nda batoi.

¹²Nde to wengani ko l’embile-ye ndoyala ngo baekesi, kongo ko wende la boeno wa boto woekes’ino liasi batina ba njasɔ ya lioi lia Mungu ko la liakoli, la wende la boeno wa baɛlɛ bomwa, inga kɔni bieka yotaunomo;

¹³eoka oyatomwaka baɛlɛ ati la wɛlï woluwaka njasɔ ya liengani, eoka akoyali nde wana oli.

¹⁴Kongo ko bieka yotaunomo bile ya bato baoku ebasoekaka la ebasoluwa ndolembeela la bolau la obe.