Read lokele 1 Yoane 5 Bible Online

1 Yoane 5 - lokele bible

1 Yoane 5

¹Boto oyasoimela mbo Yesu ende Masiya, ambo asootomo la Mungu la boto oyasosama Inde oyaot’inde, ambo asosama imɔ ko oyaotomu lande.

²Ko la loasɔ-lo toluwi nde mbo tososama bana ba Mungu, ani tososamaka Mungu angɛnɛ la mbo tosolitesa bikela yande.

³Eoka losamɔ losamaka Mungu lole ngo ko mbo toliteseke bikela yande; la bikela yande biti ango la bolito wotola.

⁴Eoka ebisootomo la Mungu, yao nd’atolongela wenda-bo, la lilongeli elitolongela wenda-bo lile ngo ko liimeli liasu.

⁵¿Ndai asolongela wenda-bo, sakolo ngo ko inde oyasoimela mbo Yesu ende Wana wa Mungu?

⁶Ende Inde oyayaka ko la balia la bakila, ako Yesu Masiya, atiayaka ko la balia kongo, kanga ko la balia la bakila imɔ;

⁷la Bolimo ale bokambesi woluwes’iso, eoka Bolimo ale ngo ko wewe.

⁸Bakambesi boluwes’iso loasɔ-lo, bende basatɔ, bako Bolimo la balia la bakila, la yaasatɔ bende ko ɔmwito.

⁹Tokulia inango sha bato, ambo esha Mungu koeta esha balomboki, eoka mbo akambesak’iso loasɔ loa Wana wande.

¹⁰Inde oyasolendelo Wana wa Mungu ale ngo ko la inango nda botema wande angɛnɛ; nde oyatiimele Mungu, asof’Inde lolanga eoka atiimele inango esisonangola Mungu loasɔ loa Wana wande angɛnɛ.

¹¹La inango sina sile ngo ko mbo Mungu afak’iso loiko loa layalaya la loiko-lo lole ngo ko la Wana wande.

¹²Oyasoyalaka la Wana, asoyala la loiko, la oyatiyale la Wana, ambo atiyaleke la loiko.

¹³Isosɔnɛl’ino njasɔ-bi, bako ino ebasolendelo lina lia Wana wa Mungu, mbo boluweke fololo mbo wende la loiko loa layalaya.

¹⁴Limɔ twende la lotendela lolau loko mbo, tofel’Inde yeka ko la lisangi liande, Inde kookak’iso;

¹⁵eya to mbo toluwa mbo atokak’iso nda yao eyetofelak’iso, ani tosoluwa mbo tosoyala la lofelo lona elofel’iso inde.

¹⁶Eya mbo boto ɛnɛ etungani yande ani atokela litwanelo elitikwe nda liwa, afeleke Mungu oyatof’inde loiko loasɔ loa batwanelo ebatiengane la liwa. Batwanelo bamɔi batoiya nda liwa, itionge mbo asomboleke loasɔ loa bao.

¹⁷Njasɔ bibe bitotina bile ngo ko batwanelo, nde bimɔi biitoiya ko nda liwa.

¹⁸Toluwi nde mbo boto oyaotomu la Mungu, aitokelaka batwanelo, nde oyasootomo la Mungu, atotinganaka lande limɔ Ewa Bobe angomata ango inde.

¹⁹Toluwi nde mbo tole bana ba Mungu la wenda-bo bototina bosoundomo ko la Ewa Bobe.

²⁰Kongo ko toluwi imɔ mbo Wana wa Mungu asoya la asofaef’iso liluwani mbo toluweke Inde oyale wewe, la tokoyala lande oyale wewe, ako Wana wande Yesu Masiya. Inde ale ngo ko Mungu wa wewe la Ngɛnɛ wa loiko loa layalaya!

²¹Bana bami, lambaka ino angɛnɛ, otalitesa bɛfɔnɔ ya mungu.