Read lokele Liɛnɛsu 16 Bible Online

Liɛnɛsu 16 - lokele bible

Liɛnɛsu 16

¹Limɔ imi loka limiki lifi elisosekwa nda Einelo ya Mungu, eliaongaka la bakitomo bosambale mbo— Kɛndɛkɛ la Wɛlɛkɛ biengo bosambale ya efango ya Mungu nda wenda.

²Bokitomo wa oso lɔkɛ, inde lɔwɛlɛ eengo yande nda wenda, limɔ balomboki ebayali la chapa ya nyama ena, l’ebasemolaka bɔfɔnɔ wande, iyo lowɛlɔmɔ bakülü ba bomusi finɛ.

³Limɔ ewa ambale lowɛlɛ eengo yande nda eliya ya balia, la bao lokinjwa kwa bakila ba boto oyasowa, la bitotina ebile la liwawi nda balia lowa.

⁴Limɔ ewa asatɔ lowɛlɛ eengo yande nda baande la tosoolo twa balia la bao lokinjwa ko bakila.

⁵Limɔ yokaka bokitomo wa balia, aongaka mbo— Aɛ wengani nde, Oyayali la oyayalaka, Aɛ Botanu eoka osoatela njasɔ ngo ko ongoma,

⁶mbo iyo ana ebasowɛlɛ bakila ba ebatanu la batɔndɔli se, osof’iyo imɔ ko bakila bomwa. Baondu nde ongoma!

⁷Limɔ imi loka limiki lia etumbelo ya lifaefi, elisoonga mbo— Eingo ko, Mungu Ngɛnɛ wa Bofoka Bototi, baatakeli baɛ bengani nde la wewe.

⁸Limɔ ewa anɛi lowɛlɛ eengo yande nda liso lia use, la liao lofomo isosha shofecha balomboki la bösä;

⁹limɔ iyo lofechomo la bösä wa likama, la iyo losɛɔkɔlɔ lina lia Mungu oyayali la isosha nda baömä-ba nde batiakalanganaka ndotalia Mungu tala.

¹⁰Limɔ ewa bɔɔmwi lowɛlɛ eengo yande nda kɛka ya nyama la yakakaelo yande lotufaka la lilima, iyo lotauna ndamɛ yau eoka ya bomusi;

¹¹la iyo losɛɔkɔlɔ Mungu wa Use eoka ya bomusi wau la eoka ya bakülü bau, nde batiakalanganaka eoka ya bekeeli yau.

¹²Limɔ ewa liambɛ lowɛlɛ eengo yande nda liande lifi liko Eufalate la balia ba liao loömaka tau mbo mboka etonjelomoko bɛkɔta ebakatɛmwɛkɛ nda fangi ya ɛsɔswɛlɔ ya bonyanya.

¹³Limɔ imi lɔɛnɛ belimo isatɔ ya bɔwɛwɛ kwa bɔfɔnɔ wa batɔkɛ ebatokuswa nda bɔnɔkɔ wa Likilɔ la nda bɔnɔkɔ wa nyama la nda bɔnɔkɔ wa bɔtɔndɔli wa bolimbake;

¹⁴eoka bende belimo ibe ebitokelaka bisisho la ebitokakɛndɛ ende bɛkɔta ya wenda bototi okasɔnj’iyo nda bita ya lise lina lifi lia Ngɛnɛ Mungu wa Bofoka Bototi. (

¹⁵Toka kɔni, itoya kwa wiya! Inde ale la limɛngɔ fuu oyatoyala la botengu ani atotingana la bisinda yande mbo atakɛndɛkɛndɛ wase la mbo sɔni yande ɛtɛnɛlɛ fololo.)

¹⁶La belimo losɔnja bɛkɔta nda elela eyetangomu nda lioi lia BaEbele mbo Ala-Mengedo.

¹⁷Limɔ ewa bosambale lowɛlɛ eengo yande nda bofalu wa use, limɔ limiki lifi lokuswa nda kɛka efi omolo nda Einelo ya Mungu, liao loonga mbo— Lososila to!

¹⁸Limɔ tobalibali lɔɛnɛlɛ, la bamiki ba bilundi lokana, la nyɛlɛ lotukatuka likama, lotitɛnɛlɛkɛ ongoma ko nda bayelo ba balomboki nda wenda-bo, litukatuki lina liaaka lia likama.

¹⁹Bokenge Bofi lotenana ko betuku bisatɔ la bekenge ya tukela ya wenda lowɛlɛmɛ se; Babilona bokenge bofi loenyelomo ko la Mungu ndofaefa wao kɔpɔ ya bänä ba efango ya bolengi wande.

²⁰La besanga betotina lolɔmwalɔmwa la föngo angɔɛnɛlɛ imɔ.

²¹La mbula ya basasɛ bafi ba bolito wa litalɛ lifi lotɔnɔkɔ se ende bato la bato losɛɔkɔlɔ Mungu eoka ya liömä lia mbula ya basasɛ, litina mbo liömä lina liaaka liwau fafo.