Read lokele Liɛnɛsu 2 Bible Online

Liɛnɛsu 2 - lokele bible

Liɛnɛsu 2

¹Ende bokitomo ako Botingani wa Etanda nda Efeso, sɔnɔkɔ mbo— Inde oyaundi tolonge bosambale nda bosamba wande wa olome, oyatokɛndɛkɛndɛ atiteni ya bitalielo ya päka bosambale, Inde nd’aongi mbo—

²Iluwi nde bekeeli yaɛ la bonui wa likuwa liaɛ la likɔkɔmɛlɛ liaɛ, la mbo botikɔkɔlɛ ndwɛnɛ bato babe nde osokotela ebasoonga mbo bende batomomu ani bat’iyo la osotombol’iyo mbo bende la lolanga.

³Iluwi imɔ mbo osokɔkɔmɔ la bofiili la osotendela ebiwau ko l’eoka ya lina liami, angotatɛkwa bonui.

⁴Kongo ko, yende l’aɛ la loasɔ-lo, loko mbo osotamacha losamɔ loaɛ loa oso.

⁵Eokao, enyekelaka olo asokwel’aɛ se la kalanganaka la kelaka bekeeli eyakelak’aɛ ko oso. Nde otikele ongoma, ani yeyaka end’aɛ la yesukolaka etalielo ya päka yaɛ nda elela ya yao, sakolo ngo ko osokalangana.

⁶Kongo ko, wende la loasɔ-lo lolau, loko mbo osoiyela bekeeli y’eba Nikolaita, ebisoiyel’imɔ ko Imi wiyela yao.

⁷Inde oyayali la litoi, okeke yao ebitoonga Bolimo la bitanda. Yefaefak’inde oyatolonga, isosha sholaka tuma twa isandu sha loiko, esisoyala nda Paladiso ya Mungu.

⁸La ende bokitomo ako Botingani wa Etanda nda Semuluna, sɔnɔkɔ mbo— Ewa oso, l’Ewa mbisa, oyawaka la oyauwaka liasi la loiko, Inde nd’aongi mbo—

⁹Iluwi nde bifembi yaɛ la mbuwa yaɛ, ani wewe wende lifoka, la limɔli elisomɔlɔkɔmɔ ino ko l’ebasoonga mbo bende BaYuda, ani bati BaYuda, kangä ɛsɔngɔmɛlɔ ya Satana.

¹⁰Owangëke to biale ebisambokesomo aɛ; tɛnɛ Bowanjeli ako Satana, asambokusha bamɔi banu nda bɔnyɔlɔlɔ mbo okotelomoko, limɔ botokaka bifembi ko bacho liu. Nde kɔkɔmɔkɔ nda lilendelu ko nda liwa limɔ yefaefak’aɛ iyoyo sha loiko.

¹¹Inde oyayali la litoi okeke yao ebitoonga Bolimo la bitanda. Inde oyatolonga atiokesomoko wale wa liwa lia ambale.

¹²La ende bokitomo ako Botingani wa Etanda nda Pelagamona, sɔnɔkɔ mbo— Inde oyaundaka ambɔtɛ wa fänga imbale ebiötu, Inde nd’aongi mbo—

¹³Iluwi nde olo ayali aɛ, ko olo ayali kɛka ya Satana; nde osokusamela lina liami ngwi la otiangane lilendelu liami ango nda mbile ya Antipa, boaoleli wami wa lilendelu, oyaolomoko sisi yanu, olo ayali Satana.

¹⁴Kongo ko yende laɛ la njasɔ bimyɔ, mbo wende la bamɔi omao ebasoimela liekesi lia Balaama oyaekesaka Balaka ndosɛlɛ litalɛ liokwesa bana ba Isalaele tolango mbo baleke bieka ebitambomu ende bɛfɔnɔ ya mungu la mbo bakeleke bolëfë.

¹⁵Ongoma aɛ wende imɔ l’ebasoimela liekesi lia eba Nikolaita;

¹⁶eokao kalanganaka, eya to mbo otikalangane, ani itoya end’aɛ lisasaya, la itonanaka la bato ana la ambɔtɛ wa bɔnɔkɔ wami.

¹⁷Inde oyayali la litoi, okeke yao ebitoonga Bolimo la bitanda! Yefaefak’inde oyatolonga ngo ko isosha sholaka Mana ebisoisama, la itofaef’inde itaatalɛ sifufu esitomu la lina liyai elitiluwe boto angɔmɔi, sakolo ko inde oyatɔɔlɔ liao.

¹⁸La ende bokitomo ako Botingani wa Etanda nda Tuateila, sɔnɔkɔ mbo— Wana wa Mungu oyayali la baiso kwa bösä wa loiloi la batindi kwa bosongo ebosofufolomo, Inde nd’aongi mbo—

¹⁹Iluwi nde bekeeli yaɛ la losamɔ loaɛ la liimeli liaɛ la lisungi liaɛ la likɔkɔmɛlɛ liaɛ la mbo bekeeli yaɛ ya mbisa bisolongela eya oso.

²⁰Kongo ko yende laɛ la loasɔ-lo, loko mbo osomacha botomali ona ako Yesabele oyatangi nde mbo ale bɔtɔndɔli, mbo ekeseke bato, la mbo alimbeke bɛkɔwa yami bachweke bolëfë la baleke bieka ebitambomu ende bɛfɔnɔ ya mungu.

²¹Yafaefak’inde fofe mbo akalanganeke loasɔ loa nyongo yande, nde atilɛmbɛkɛ ndokalangana.

²²Toka kɔni, itoinges’inde nda tange la loo amamwito l’ebatochwaka lande nyongo ko nda bifembi ya likama, sakolo ko batokalangana bekeeli yau;

²³la yolaka bana bande la liömä lifi. Limɔ bitanda bitotina beluwaka nde mbo Imi yende Inde oyasotichaka baenyeli la betema ya bato la yefaefaka boto la boto wanu liɔli lioengana la bekeeli yanu.

²⁴Kongo ko isoonga lanu ebamɔi nda Tuateila ebatiimele liekesi-li, ebatiluwe njasɔ ebisotangomo la bamɔi mbo njasɔ ya Satana ebiisomu mbii, imi mbo iitotaliel’ino bolito wasi,

²⁵nde takuamelaka ko yao ebiimel’ino, ko nd’akayeke Imi.

²⁶La end’inde oyatolonga la oyatolitesa bekeeli yami ko nda liko, yefaefak’inde isosha shokakalesa tukela ya wenda,

²⁷la atokakales’iyo la isosola sha yeto la atoataka iyo kwa tei ya tɔlɔngɔ, ani asɔɔlɔ imɔ ko Imi, isosha ende Sango wami,

²⁸la yefaefak’inde ilonge sha lisɔi.

²⁹Inde oyayali la litoi, okeke yao ebitoonga Bolimo la bitanda!