Read kinyarwanda Intangiriro 5 Bible Online

Intangiriro 5 - kinyarwanda bible

Intangiriro 5

¹Ngiki igitabo cy’urubyaro rwa Adamu: Umunsi Imana irema umuntu, yamuremye mu misusire y’Imana.

²Yabaremye ari umugabo n’umugore, ibaha umugisha, ibita Muntu umunsi ibarema.

³Adamu amaze imyaka ijana na mirongo itatu avutse, abyara umuhungu basa mu misusire ye no mu ishusho rye, amwita Seti.

⁴Amaze kubyara Seti, Adamu abaho indi myaka magana inani, abyara abahungu n’abakobwa.

⁵Iminsi yose Adamu yabayeho ni imyaka magana cyenda na mirongo itatu[29], nuko arapfa.

⁶Seti amaze imyaka ijana n’itanu avutse, abyara Enoshi.

⁷Amaze kubyara Enoshi, Seti abaho indi myaka magana inani n’irindwi, abyara abahungu n’abakobwa.

⁸Iminsi yose Seti yabayeho ni imyaka magana urwenda na cumi n’ibiri, nuko arapfa.

⁹Enoshi amaze imyaka mirongo urwenda avutse, abyara Kenani.

¹⁰Amaze kubyara Kenani, Enoshi abaho indi myaka magana inani na cumi n’itanu, abyara abahungu n’abakobwa.

¹¹Iminsi yose Enoshi yabayeho ni imyaka magana urwenda n’itanu, nuko arapfa.

¹²Kenani amaze imyaka mirongo irindwi avutse, abyara Mahalaleli.

¹³Amaze kubyara Mahalaleli, Kenani abaho indi myaka magana inani na mirongo ine, abyara abahungu n’abakobwa.

¹⁴Iminsi yose Kenani yabayeho ni imyaka magana urwenda n’icumi, nuko arapfa.

¹⁵Mahalaleli amaze imyaka mirongo itandatu n’itanu avutse, abyara Yeredi.

¹⁶Amaze kubyara Yeredi, Mahalaleli abaho indi myaka magana inani na mirongo itatu; abyara abahungu n’abakobwa.

¹⁷Iminsi yose Mahalaleli yabayeho, ni imyaka magana inani na mirongo urwenda n’itanu, nuko arapfa.

¹⁸Yeredi amaze imyaka ijana na mirongo itandatu n’ibiri avutse, abyara Henoki.

¹⁹Amaze kubyara Henoki, Yeredi abaho indi myaka magana inani, abyara abahungu n’abakobwa.

²⁰Iminsi yose Yeredi yabayeho, ni imyaka magana urwenda na mirongo itandatu n’ibiri, nuko arapfa.

²¹Henoki amaze imyaka mirongo itandatu n’itanu avutse, abyara Metushalomu.

²²Amaze kubyara Metushalomu, Henoki abaho indi myaka magana atatu, abyara abahungu n’abakobwa.

²³Iminsi yose Henoki yabayeho ni imyaka magana atatu na mirongo itandatu n’itanu.

²⁴Hanyuma Henoki arabura: Imana yaramwitwariye, kuko yagendanaga na yo.

²⁵Metushalomu amaze imyaka ijana na mirongo inani n’irindwi avutse, abyara Lameki.

²⁶Amaze kubyara Lameki, Metushalomu abaho indi myaka magana arindwi na mirongo inani n’ibiri, abyara abahungu n’abakobwa.

²⁷Iminsi yose Metushalomu yabayeho, ni imyaka magana cyenda na mirongo itandatu n’icyenda, nuko arapfa.

²⁸Lameki amaze imyaka ijana na mirongo inani n’ibiri avutse, abyara umuhungu.

²⁹Amwita Nowa[30], ati «Uyu azaduhoza, aturuhure imirimo inaniza duterwa no guhinga ubu butaka bwavumwe n’Uhoraho.»

³⁰Amaze kubyara Nowa, Lameki abaho indi myaka magana atanu na mirongo urwenda n’itanu, abyara abahungu n’abakobwa.

³¹Iminsi yose Lameki yabayeho, ni imyaka magana arindwi na mirongo irindwi n’irindwi, nuko arapfa.

³²Nowa amaze imyaka magana atanu avutse, abyara Semu, Kamu na Yafeti.