Read kinyarwanda Icya mbere cy'Amateka 2 Bible Online

Icya mbere cy'Amateka 2 - kinyarwanda bible

Icya mbere cy'Amateka 2

¹[3] Dore abana ba Israheli: ni Rubeni, Simewoni, Levi na Yuda; Isakari na Zabuloni;

²Dani, Yozefu na Benyamini; Nefutali, Gadi na Asheri.

³Bene Yuda ni Eri, Onani na Shela. Bose uko ari batatu yababyaranye n’umukobwa wa Shuwa w’Umukanahani. Ariko Eri, imfura ya Yuda, acibwa imbere y’Uhoraho, aramwicisha.

⁴Umukazana wa Yuda, ari we Tamara amubyarira Pereshi na Zera. Bene Yuda bose hamwe bari batanu.

⁵Bene Pereshi ni Hesironi na Hamuli.

⁶Bene Zera ni Zimiri, Etani, Emani, Kalikoli na Darida, bose hamwe ni batanu.

⁷Umuhungu wa Karumi ni Akari wateje ibyago Israheli mu gucumura akora ibyabujijwe.

⁸Umuhungu wa Etani ni Azariya.

⁹Abana bavutse kuri Hesironi ni Yerahumeyeli, Ramu na Kelubayi.

¹⁰Ramu abyara Aminadabu, Aminadabu abyara Nahasoni, umutware wa bene Yuda.

¹¹Nahasoni abyara Salimu. Salimu abyara Bowozi.

¹²Bowozi abyara Obedi. Obedi abyara Yese.

¹³Yese abyara Eliyabu imfura ye, uwa kabiri ni Abinadabu, uwa gatatu ni Shimeya,

¹⁴uwa kane ni Netaneli, uwa gatanu ni Radayi,

¹⁵uwa gatandatu ni Osemu, uwa karindwi ni Dawudi.

¹⁶Bashiki babo bitwaga Seruya na Abigayila. Bene Seruya bari batatu: Abishayi, Yowabu na Asaheli.

¹⁷Abigayila abyara Amasa, kandi se wa Amasa yitwaga Yeteri w’Umwismaheli.

¹⁸Kalebu mwene Hesironi n’umugore we Azuba babyarana abana babiri: Isha na Yeriyoti. Dore abana babo: ni Yesheri, Shobabu na Aridoni.

¹⁹Azuba amaze gupfa, Kalebu arongora Efurata babyarana Huri.

²⁰Huri abyara Uri, naho Uri abyara Besaleli.

²¹Hanyuma Hesironi wari ufite imyaka mirongo itandatu y’amavuko yuzura n’umukobwa wa Makiri, se wa Gilihadi, maze amugira umugore; babyarana Segubi.

²²Segubi abyara Yayiri, wagize insisiro makumyabiri n’eshatu mu gihugu cya Gilihadi.

²³Nyamara abami b’i Geshuri na Aramu bigaruriye izo nsisiro za Yayiri, hamwe n’umugi wa Kenati n’insisiro mirongo itandatu ziwukikije. Abo bose bari bene Makiri se wa Gilihadi.

²⁴Nyuma y’urupfu rwa Hesironi, Kalebu acyura Efurata muka se Hesironi, babyarana Ashehuri se wa Tekowa.

²⁵Bene Yerahumeyeli imfura ya Hesironi ni Ramu, imfura ye, na Buna, Oreni, Osemu na Ahiya.

²⁶Yerahumeyeli yari afite undi mugore witwaga Atara; ni we nyina wa Onamu.

²⁷Bene Ramu, imfura ya Yerahumeyeli, ni Mayasi, Yamini na Ekeri.

²⁸Bene Onamu bari Shamayi na Yada; kandi bene Shamayi ni Nadabu na Abishuri.

²⁹Umugore wa Abishuri yitwaga Abihayila, kandi yamubyariye Ahibani na Molidi.

³⁰Bene Nadabu ni Seledi na Apayimu. Seledi yapfuye bucike.

³¹Mwene Apayimu ni Yisheyi. Mwene Yisheyi ni Sheshani. Mwene Sheshani ni Alayi.

³²Bene Yada, umuvandimwe wa Shamayi, ni Yeteri na Yonatani. Yeteri yapfuye bucike.

³³Bene Yonatani ni Peleti na Zaza. Ni bo bari bene Yerahumeyeli.

³⁴Sheshani ntiyabyaye abahungu ariko yari afite abakobwa. Sheshani yari afite umucakara w’Umunyamisiri witwaga Yara.

³⁵Sheshani ashyingira umukobwa we Yara, umucakara we, maze amubyaraho Atayi.

³⁶Atayi abyara Natani, Natani abyara Zabadi.

³⁷Zabadi abyara Efulali. Efulali abyara Obedi.

³⁸Obedi abyara Yehu. Yehu abyara Azariya.

³⁹Azariya abyara Helesi. Helesi abyara Eleyasa.

⁴⁰Eleyasa abyara Sisimayi. Sisimayi abyara Shalumi.

⁴¹Shalumi abyara Yekamiya. Yekamiya abyara Elishama.

⁴²Bene Kalebu umuvandimwe wa Yerahumeyeli, ni Mesha w’imfura ye, akaba na se wa Zifu, na Maresha se wa Heburoni.

⁴³Bene Heburoni ni Kora, Tapuwa, Rekemu na Shema.

⁴⁴Shema abyara Rahamu se wa Yorikeyamu, Rekemu abyara Shamayi.

⁴⁵Mwene Shamayi ni Mawoni, kandi Mawoni ni we se wa Betisuri.

⁴⁶Efa, inshoreke ya Kalebu, abyara Harani, Mosa na Gazezi. Harani abyara Gazezi.

⁴⁷Bene Yadayi ni Regemu, Yotamu, Geshani, Peleti, Eyifa na Shafi.

⁴⁸Mayaka, inshoreke ya Kalebu, abyara Sheberi na Tirana.

⁴⁹Abyara kandi Shafi se wa Madumana, na Shewa wabyaye Makubena na Gibeya. Umukobwa wa Kalebu yitwaga Akisa.

⁵⁰Abo ni bo bari bene Kalebu. Bene Huri imfura ya Efurata ni Shobali washinze Kiriyati‐Yeyarimu;

⁵¹Salima washinze Betelehemu; Harefu washinze Betigaderi.

⁵²Shobali washinze Kiriyati‐Yeyarimu yabyaye abana barimo Harowe, ari we igice cya kabiri cy’Abamanahi gikomokaho,

⁵³hamwe n’imiryango y’i Kiriyati‐Yeyarimu, ari yo Abayitiri, Abaputi, Abashumati, n’Abamishurayi. Ni bo Abasoreya n’Abeshitayoli bakomotsemo.

⁵⁴Bene Salima ni Betelehemu, Abanetofa, Ataroti‐Betiyowabu, igice cy’Abamanahi, Abasoreya,

⁵⁵n’imiryango y’Abasofiri batuye i Yabesi, Abatireya, Abashimeya, n’Abasuka. Ni Abakeniti bakomotse kuri Hamati, umukuru w’inzu ya Rekabu.