Read kinyarwanda Icya mbere cy'Amateka 24 Bible Online

Icya mbere cy'Amateka 24 - kinyarwanda bible

Icya mbere cy'Amateka 24

¹Ngiyi imitwe ya bene Aroni: Bene Aroni ni Nadabu na Abihu, Eleyazari na Itamari.

²Nadabu na Abihu bapfuye bucike mbere ya se; imirimo y’ubuherezabitambo ikorwa na Eleyazari na Itamari.

³Dawudi na Sadoki wo muri bene Eleyazari, na Ahimeleki wo muri bene Itamari, babagabanyamo imitwe bakurikije akazi kabo.

⁴Nyamara bene Eleyazari bari abagabo benshi kuruta bene Itamari ; ni yo mpamvu bene Eleyazari bagabanyijwemo amazu cumi n’atandatu, naho bene Itamari bagabanywamo amazu umunani, hamwe n’abatware bayo.

⁵Babagabanyije bakoresheje ubufindo, kuko ari muri bene Eleyazari cyangwa se muri bene Itamari harimo ibikomangoma by’Ingoro n’ibikomangoma by’Imana.

⁶Shemaya mwene Netaneli, wari umwanditsi mu balevi, abandikira imbere y’umwami, wari kumwe n’ibikomangoma, n’umuherezabitambo Sadoki, na Ahimeleki mwene Abiyatari, n’abatware b’amazu y’abaherezabitambo n’ay’abalevi: nuko inzu imwe itoranyirizwa Eleyazari, naho indi itoranyirizwa Itamari.

⁷Ubufindo bwa mbere bwaguye kuri Yehoyaribu, ubwa kabiri kuri Yedaya,

⁸ubwa gatatu kuri Harimu, ubwa kane kuri Seworimu,

⁹ubwa gatanu kuri Malikiya, ubwa gatandatu kuri Miyamini,

¹⁰ubwa karindwi kuri Hakosi, ubwa munani kuri Abiya,

¹¹ubwa cyenda kuri Yeshuwa, ubwa cumi kuri Shekanyahu,

¹²ubwa cumi na rimwe kuri Eliyashibu, ubwa cumi na kabiri kuri Yakimu,

¹³ubwa cumi na gatatu kuri Hupa, ubwa cumi na kane kuri Ishibehali,

¹⁴ubwa cumi na gatanu kuri Biluga, ubwa cumi na gatandatu kuri Imeri,

¹⁵ubwa cumi na karindwi kuri Heziri, ubwa cumi n’umunani kuri Hapisesi,

¹⁶ubwa cumi n’icyenda kuri Petahiya, ubwa makumyabiri kuri Yehezikeli,

¹⁷ubwa makumyabiri na rimwe kuri Yakini, ubwa makumyabiri na kabiri kuri Gamuli,

¹⁸ubwa makumyabiri na gatatu kuri Delayahu, n’ubwa makumyabiri na kane kuri Maziyahu.

¹⁹Uko ni ko imitwe y’abalevi yagabanyijwe kugira ngo binjire mu Ngoro y’Uhoraho hakurikijwe itegeko ryatanzwe na sekuru wabo Aroni, nk’uko yabitegetswe n’Uhoraho, Imana ya Israheli.

²⁰Dore amazina ya bene Levi basigaye: Muri bene Amurani ni Shubayeli; muri bene Shubayeli ni Yehideyahu.

²¹Kwa Rehabiyahu, mu bahungu be ni Yishiya w’imfura.

²²Mu Bayisehari ni Shelomoti. Muri bene Shelomoti ni Yahati.

²³Muri bene Heburoni ni Yeriyahu w’imfura, Amariyahu uwa kabiri, Yahaziyeli uwa gatatu, Yekamiyamu uwa kane.

²⁴Mwene Uziyeli ni Mikaya, naho mwene Mikaya ni Shamiri.

²⁵Umuvandimwe wa Mikaya ni Yishiya, naho muri bene Yishiya ni Zekariyahu.

²⁶Bene Merari ni Mahuli, Mushi, na Yaziyahu.

²⁷Bene Merari bo ku muhungu we Yaziyahu ni Shohamu, Zakuri na Iburi.

²⁸Kwa Mahuli ni Eleyazari utarigeze umwana,

²⁹na Kishi. Mwene Kishi ni Yerahumeyeli.

³⁰Bene Mushi ni Mahuli, Ederi na Yerimoti. Abo ni bo bene Levi hakurikijwe amazu yabo.

³¹Na bo kimwe n’abavandimwe babo bene Aroni, bakoresheje ubufindo imbere y’umwami Dawudi wari kumwe na Sadoki, na Ahimeleki, n’abatware b’amazu y’abaherezabitambo, n’ay’abalevi. Bityo nta tandukanyirizo ryari hagati y’inzu y’imfura n’iy’umuhererezi.