Read kinyarwanda Icya mbere cy'Amateka 4 Bible Online

Icya mbere cy'Amateka 4 - kinyarwanda bible

Icya mbere cy'Amateka 4

¹Bene Yuda ni Pereshi, Hesironi, Karumi, Huri na Shobali.

²Rehaya mwene Shobali abyara Yahati; Yahati abyara Ahumayi na Lahadi: ni bo Abasoreya bakomokaho.

³Dore bene Huri, se wa Etamu: ni Yizireyeli, Yishuma na Yidubashi, mushiki wabo yitwaga Haseleluponi.

⁴Hakurikiraho Penuweli washinze Gedori, na Ezeri washinze Husha. Abo ni bo bari bene Huri, imfura ya Efurata, washinze Betelehemu.

⁵Ashehuri washinze Tekowa yatunze abagore babiri: Heleya na Nahara.

⁶Nahara amubyarira Ahuzamu, Heferi, Abatimina n’Abahashutari. Bari bene Nahara.

⁷Bene Heleya ni Sereti, Sohari na Etunani.

⁸Kosi abyara Anubi na Hasobeba n’ubwoko bwa Aharaheli mwene Harumi.

⁹Yabeshi yari afashwe neza kurusha abavandimwe be, kandi nyina yari yaramwise izina rya Yabeshi, agira ati «Nabyaranye ububabare.»

¹⁰Yabeshi yambaza Imana ya Israheli, avuga ati «Niba koko umpaye umugisha, uzagura igihugu cyanjye, uzampozeho ukuboko kwawe, kandi uzandinde ibyago kugira ngo ntazababara.» Nuko Imana imwuzuriza ibyo yari yasabye.

¹¹Kelubu, umuvandimwe wa Shuha, abyara Mehiri wabaye se wa Eshitoni.

¹²Eshitoni abyara Betirafa, Paseya na Tehina washinze Irunahashi. Ni bo bantu b’i Rekabu.

¹³Bene Kenazi ni Otinyeli na Seraya. Bene Otinyeli ni Hatati na Mewonatayi.

¹⁴Mewonatayi abyara Ofura, naho Seraya abyara Yowabu washinze Geharashimu, kuko bari abanyabukorikori.

¹⁵Bene Kalebu umuhungu wa Yefune ni Iru, Ela na Nahamu. Mwene Ela ni Kenazi.

¹⁶Bene Yehaleleli ni Zifu, Zifa, Tiriya na Azareli.

¹⁷Bene Ezira ni Yeteri, Meredi, Eferi na Yaloni. Dore kandi abahungu ba Bitiya, umukobwa wa Farawo, wari warashakanye na Meredi: ni Miriyamu, Shamayi na Yishuba washinze Eshitemowa.

¹⁸Umugore we w’Umuyudakazi abyara Yeredi washinze Gedori, Heberi washinze Soko, na Yekutiyeli washinze Zanowa.

¹⁹Abahungu ba muka Hodiya, mushiki wa Nahamu, ni Umugarumi washinze Keyila, n’Umumahaka washinze Eshitemowa.

²⁰Bene Shimoni ni Amunoni, Rina, Benihanani na Tiloni. Bene Yisheyi ni Zoheti na Benizoheti.

²¹Bene Shela, umuhungu wa Yuda, ni Eri washinze Leka, Layeda washinze Maresha, imiryango yose y’ababohera imyenda ya hariri i Betashebaya,

²²Yokimu, abantu b’i Kozeba, Yowashi, na Sarafi, bategekaga i Mowabu bakagaruka i Betelehemu — ni ibintu bya kera — ;

²³bari ababumbyi baturaga i Netayimu n’i Sedera; bari bahaturanye n’umwami bamukorera.

²⁴[5] Bene Simewoni ni Nemweli, Yamini, Yaribi, Zera, Shawuli.

²⁵Abakomoka kuri Shawuli ni Shalumi, Mibusamu, Mishuma.

²⁶Bene Mishuma ni Hamweli, Zakuri na Shimeyi.

²⁷Shimeyi yabyaye abahungu cumi na batandatu n’abakobwa batandatu; ariko abavandimwe be ntibabyaye abana benshi, imiryango yabo yose ntiyari myinshi nk’iy’Abayuda.

²⁸Bari batuye i Berisheba, Molada, Hasari‐Shuwali,

²⁹Biloha, Esemu, Toladi,

³⁰Betuweli, Horima, Sikilage,

³¹Betimarukaboti, Hasari‐Susimu, Betibireyi, Sharayimu. Ni yo yari imigi yabo kugeza ku ngoma ya Dawudi,

³²naho insisiro zabo zari Etamu, Ayini, Rimoni, Tokeni na Ashani: zari eshanu,

³³kandi izo nsisiro zabo zose zari zikikije iyo migi kugeza i Balata. Ni zo zari inturo zabo kandi ni ryo rondora ry’ibisekuruza byabo bwite.

³⁴Meshobabu, Yamuleki, Yosha mwene Amasiya,

³⁵Yoweli, Yehu mwene Yoshibiya, Seraya mwene Asiyeli,

³⁶Eliyonayi, Yakoba, Yeshohaya, Asaya, Adiyeli, Yesimiyeli, Benaya,

³⁷Ziza mwene Shifeyi, mwene Aloni, mwene Yedaya, mwene Shimiri, mwene Shemaya:

³⁸abo bamaze kurondorwa bari abatware b’imiryango yabo kandi imiryango yabo yariyongereye cyane.

³⁹Barimutse bava i Gerari bagera mu burasirazuba bw’ikibaya bashaka ubwatsi bw’amatungo yabo;

⁴⁰babona ubwatsi butoshye kandi bwiza n’igihugu cyari kigari, gifite ituze n’amahoro, kuko abari bahatuye kera bakomokaga kuri Kamu.

⁴¹Abo bantu bamaze kuvugwa, baraje mu gihe cya Hezekiya, umwami wa Yuda, nuko basenya amahema n’ubuhungiro bw’abo bari bahasanze, babakoresha ibibujijwe kugera na n’ubu. Babazungura rero mu gihugu cyabo kuko cyarimo ubwatsi bw’amatungo yabo magufi.

⁴²Bamwe muri bene Simewoni bajya ku musozi wa Seyiri: bari abagabo magana atanu bari bayobowe na Pelatiya, Neyariya, Refaya na Uziyeli, ari bo bene Yisheyi.

⁴³Bica Abameleki bari bacitse ku icumu, nuko batura aho kugeza uyu munsi.