Read kinyarwanda Icya mbere cy'Amateka 6 Bible Online

Icya mbere cy'Amateka 6 - kinyarwanda bible

Icya mbere cy'Amateka 6

¹Bene Levi ni Gerishomu, Kehati na Merari.

²Amazina ya bene Gerishomu ni aya: Libini na Shimeyi.

³Bene Kenati ni Amuramu, Yisehari, Heburoni na Uziyeli.

⁴Bene Merari ni Mahuli na Mushi. Iyo ni yo miryango ya Levi, hakurikijwe abasekuruza babo.

⁵Abakomoka kuri Gerishomu uko bakurikiranye ni Libini, Yahati, Zima,

⁶Yowa, Ido, Zera na Yewotarayi.

⁷Bene Kehati uko bakurikiranye ni Aminadabu, Kore, Asiri,

⁸Elikana, Ebiyasafi, Asiri,

⁹Tahati, Uriyeli, Uziya, na Shawuli.

¹⁰Bene Elikana ni Amasayi na Ahimoti.

¹¹Abakomoka kuri Ahimoti uko bakurikirana ni Elikana, Sofayi, Nahati,

¹²Eliyabu, Yerohamu, Elikana, Samweli.

¹³Bene Samweli ni Yoweli w’imfura ye, uwa kabiri ni Abiya.

¹⁴Abakomoka kuri Merari uko bakurikiranye ni Mahuli, Libuni, Shimeyi, Uza,

¹⁵Shimeya, Hagwiya, na Asaya.

¹⁶Ngaba abo Dawudi yashinze iby’ indirimbo mu Ngoro y’Uhoraho, Ubushyinguro bukimara kugera mu buruhukiro.

¹⁷Bari bashinzwe kuririmbira imbere y’inzu y’ihema ry’ibonaniro kugeza ubwo Salomoni yubatse Ingoro y’Uhoraho i Yeruzalemu, bagatunganya umurimo wabo bakurikije itegeko ryabo.

¹⁸Ngaba abatunganyaga uwo murimo kimwe n’abahungu babo. Muri bene Kehati hari Hemani w’umuririmbyi, mwene Yoweli, mwene Samweli,

¹⁹mwene Elikana, mwene Yerohamu, mwene Eliyeli, mwene Towa,

²⁰mwene Sufi, mwene Elikana, mwene Mahati, mwene Amasayi,

²¹mwene Elikana, mwene Yoweli, mwene Azariya, mwene Sefaniya,

²²mwene Tahati, mwene Asiri, mwene Ebiyasafu, mwene Kore,

²³mwene Yisehari, mwene Kehati, mwene Levi, mwene Israheli.

²⁴Hanyuma hari umuvandimwe we wahagararaga iburyo bwe, ni Asafu mwene Berekiyahu, mwene Shimeya,

²⁵mwene Mikayeli, mwene Bahaseya, mwene Malikiya,

²⁶mwene Etuni, mwene Zera, mwene Adaya,

²⁷mwene Etani, mwene Zima, mwene Shimeyi,

²⁸mwene Yahati, mwene Gerishomu, mwene Levi.

²⁹Abavandimwe babo bene Merari bari ku ruhande rw’ibumoso, ni Etani mwene Kishi, mwene Abudi, mwene Maluki,

³⁰mwene Hashabiya, mwene Amasiya, mwene Hilikiya,

³¹mwene Amusi, mwene Bani, mwene Shemeri,

³²mwene Mahuli, mwene Mushi, mwene Merari, mwene Levi.

³³Abavandimwe babo b’Abalevi bakoraga imirimo yose yo mu ihema ry’Ingoro y’Uhoraho.

³⁴Aroni n’abahungu be batwikiraga ibitambo ku rutambiro rw’ibitambo bitwika, no ku rutambiro rw’imibavu, bakamenya ikintu cyose cyerekeye icyumba gitagatifu rwose, bagakora imihango yo gusabira imbabazi Abayisraheli, bakurikije ibyategetswe byose na Musa, umugaragu w’Imana.

³⁵Ngaba abakomoka kuri Aroni uko bakurikiranye: ni Eleyazari, Pinehasi, Abishuwa,

³⁶Buki, Uzi, Zerahiya,

³⁷Merayoti, Amariya, Ahitubi,

³⁸Sadoki na Ahimasi.

³⁹Dore uko bagiye batura hakurikijwe ingando zabo mu gihugu cyabo. Bene Aroni bo mu nzu y’Abakehati — kuko umugabane wabo wari uwa mbere —

⁴⁰bahawe Heburoni mu gihugu cya Yuda n’imirima rusange yaho.

⁴¹Ariko ahakikije umugi n’insisiro zaho babiha Kalebu mwene Yefune.

⁴²Baha bene Aroni umugi w’ubuhungiro ari wo Heburoni, babaha na Libuna, Yatiri, Eshitemowa,

⁴³Hilezi, Debiri,

⁴⁴Ashani, Betishemeshi n’imirima rusange yaho.

⁴⁵Babahaye na Alemeti na Anatoti, bayivanye mu munani wa Benyamini, hamwe n’imirima rusange yaho. Imigi yabo yose hamwe ni cumi n’itatu bahawe hakurikijwe amazu yabo.

⁴⁶Hakoreshejwe ubufindo, bene Kehati bandi bahawe umugabane w’imigi cumi ivanywe mu munani w’umuryango wa Efurayimu, uw’umuryango wa Dani n’uw’igice cya kabiri cy’umuryango wa Manase, babihabwa hakurikijwe amazu yabo.

⁴⁷Bene Gerishomu, hakurikijwe amazu yabo bahawe imigi cumi n’itatu ivanywe mu munani w’umuryango wa Isakari, uw’umuryango wa Asheri, uw’umuryango wa Nefutali n’uw’umuryango wa Manase, i Bashani.

⁴⁸Bene Merari, hakurikijwe amazu yabo, bahawe umugabane w’imigi cumi n’ibiri ivanywe mu munani w’umuryango wa Rubeni, uw’umuryango wa Gadi no mu uw’umuryango wa Zabuloni.

⁴⁹Iyo migi yose Abayisraheli bayeguriye Abalevi, bayibahana n’imirima rusange yaho.

⁵⁰Hari n’indi migi bahaweho umugabane hakoreshejwe ubufindo, ivanywe mu munani w’umuryango wa Yuda, mu uw’umuryango wa Simewoni no mu uw’umuryango w’Ababenyamini, maze bayitirira amazina yabo.

⁵¹Andi mazu ya bene Kehati ahabwa imigi yabo hagati mu muryango wa Efurayimu.

⁵²Umugi w’ubuhungiro bahawe ni Sikemu, n’imirima rusange yaho, mu misozi ya Efurayimu; bahabwa na Gezeri,

⁵³Yokimeyamu, Betihoroni,

⁵⁴Ayaloni, Gati‐Rimoni, hamwe n’imirima rusange yaho.

⁵⁵Naho mu gice cya kabiri cy’umuryango wa Manase, bahawe Aneri na Bileyamu hamwe n’imirima rusange yaho. Ibyo byose byari iby’inzu za bene Kehati bandi.

⁵⁶Bene Gerishomu, hakurikijwe amazu yabo, mu gice cya kabiri cy’umuryango wa Manase bahawe Golani muri Bashani, na Ashitaroti.

⁵⁷Mu muryango wa Isakari bahabwa Kedeshi, Daberati,

⁵⁸Ramoti na Anemu.

⁵⁹Mu muryango wa Asheri, bahawe Mashali, Abudoni,

⁶⁰Hukoki na Rehobu.

⁶¹Naho mu muryango wa Nefutali bahabwa Kedeshi muri Galileya, Hamoni na Kiryatayimu. Iyo migi yose bayihanywe n’imirima rusange yaho.

⁶²Bene Merari bandi, mu muryango wa Zabuloni, bahawe Rimoni na Taboru.

⁶³Hakurya ya Yorudani mu burasirazuba bwayo hafi ya Yeriko, mu muryango wa Rubeni, bahabwa Beseri mu butayu, Yahisa,

⁶⁴Kedemoti na Mefata.

⁶⁵Naho mu muryango wa Gadi, bahawe Ramoti y’i Gilihadi, Mahanayimu,

⁶⁶Heshiboni na Yezeri. Iyo migi yose bayihanywe n’imirima rusange yayo.