Read kinyarwanda Icya mbere cy'Amateka 7 Bible Online

Icya mbere cy'Amateka 7 - kinyarwanda bible

Icya mbere cy'Amateka 7

¹Bene Isakari ni Tola, Puwa, Yashubu na Shimuroni: ni bane.

²Bene Tola ni Uzi, Refaya, Yeriyeli, Yahumayi, Yibusamu na Shemweli, ni bo bari abatware b’imiryango ya Tola; mu gihe cya Dawudi ababakomokagaho bari ibihumbi makumyabiri na bibiri na magana atandatu.

³Mwene Uzi ni Yizirahiya. Bene Yizirahiya ni Mikayeli, Obadiya, Yoweli, Yishiya, bose hamwe ni batanu.

⁴Ni bo bategekaga abantu ibihumbi mirongo itatu na bitandatu b’intwari bagabanijwe hakurikijwe amazu yabo, kuko harimo abagore n’abana benshi.

⁵Abavandimwe babo, bo mu mazu yose ya Isakari, bari abagabo b’intwari ibihumbi mirongo inani na birindwi, hakurikijwe ibarurwa ryabo.

⁶Bene Benyamini ni Bela, Bekeri, Yediyayeli: ni batatu.

⁷Bene Bela ni Esiboni, Uzi, Uziyeli, Yerimoti na Iri, ni batanu. Bari abatware b’amazu n’abagabo b’intwari; mu mazu yabo bamaze kubabara, basanze hari abantu ibihumbi makumyabiri na bibiri na mirongo itatu na bane.

⁸Bene Bekeri ni Zemira, Yowashi, Eliyezeri, Eliyowenayi, Omari, Yeremoti, Abiya, Anatoti na Alemeti; abo bose ni bo bene Bekeri.

⁹Mu mazu yabo bamaze kubabara, basanze hari abagabo b’intwari ibihumbi makumyabiri na magana abiri.

¹⁰Mwene Yediyayeli ni Biluhani. Bene Biluhani ni Yewushi, Benyamini, Ehudi, Kenahana, Zetani, Tarishishi na Ahishahari.

¹¹Abo bose ni bo bene Yadiyayeli, abatware b’amazu, bategekaga abagabo ibihumbi cumi na birindwi na magana abiri b’intwari, mu bakereye urugamba.

¹²Shupimu na Hupimu bari bene Iri, naho Hushimu yari mwene Aheri.

¹³Bene Nefutali ni Yahasiyeli, Guni, Yeseri na Shalumi. Bari bene Biliha.

¹⁴Bene Manase ni Asiriyeli wabyawe n’Umwaramukazi w’inshoreke ye; ibyara na Makiri se wa Gilihadi.

¹⁵Abahungu be Hupimu na Shupimu, Makiri abashakira abagore. Mushiki we yitwaga Mahaka. Undi mwana we ni Selofehadi kandi Selofehadi yabyaye abakobwa gusa.

¹⁶Mahaka, umugore wa Makiri, yabyaye umuhungu amwita Pereshi; umuvandimwe we yitwaga Shereshi, wabyaye Ulamu na Rekemu.

¹⁷Mwene Ulamu ni Bedani. Abo ni bo bene Gilihadi, umuhungu wa Makiri mwene Manase.

¹⁸Mushiki we Moleketa abyara Ishehodi, Abiyezeri na Mahula.

¹⁹Bene Shemida ni Ahiyani, Shekemu, Likihi na Ayiyamu.

²⁰Abakomoka kuri Efurayimu uko bakurikiranye ni Shutela, Beredi, Tahati, Elada, Tahati,

²¹Zabadi na Shutela. Efurayimu yabyaye kandi Ezeri na Eleyadi; abo bombi, abantu b’i Gati barabishe kuko bari bamanutse bakajya mu gihugu cyabo gushimuta amatungo.

²²Se Efurayimu abaririra iminsi myinshi maze abavandimwe be baza kumuhoza.

²³Asanga umugore we; umugore arasama kandi abyara umwana w’umuhungu yise Beriya kuko yari yasigaye iwe mu byago bye.

²⁴Umukobwa we yitwaga Shera wubatse Betihoroni y’epfo n’iya ruguru, na Uzeni‐Shera.

²⁵Abakomoka kuri Beriya, uko bakurikiranye ni Refa, Reshefu, Tela, Tahani,

²⁶Ladani, Amihudi, Elishama,

²⁷na Nuni, se wa Yozuwe.

²⁸Umunani bene Efurayimu bahawe ni Beteli n’insisiro zayo, iburasirazuba ni Naharani, iburengerazuba ni Gezeri n’insisiro zayo, Sikemu n’insisiro zayo kugera i Aya n’insisiro zayo.

²⁹Bene Manase bari bafite na Betisheyani, Tanaki, Megido, na Dori hamwe n’insisiro zaho. Iyo migi ni yo bene Yozefu, mwene Israheli, bari batuyemo.

³⁰Abakomoka kuri Asheri ni Yimuna, Yishwa, Yishiwi, Beriya na mushiki wabo Sera.

³¹Bene Beriya ni Heberi na Malikiyeli wabyaye Birizayiti.

³²Heberi abyara Yafuleti, Shomeri, Hotamu na Shuwa mushiki wabo.

³³Bene Yafuleti ni Pasaki, Bimuhali na Ashuwati. Abo ni bo bene Yafuleti.

³⁴Bene Shomeri, umuvandimwe we, ni Ruhuga, Huba na Aramu.

³⁵Bene Helemu, umuvandimwe we, ni Sofa, Yimuna, Sheleshi na Amali.

³⁶Bene Sofa ni Suwa, Harineferi, Shuwali, Beri, Yimura,

³⁷Beseri, Hodi, Shama, Shilusha, Yitirani na Bera.

³⁸Bene Yitirani ni Yefune, Pisipa na Ara.

³⁹Bene Ula ni Ara, Hanyeli na Risiya.

⁴⁰Abo bose ni bene Asheri, bari abakuru b’amazu, bakaba abanyembaraga n’abagabo b’intwari; bamaze kubarura abo mu mazu yabo, basanze abajya ku rugamba ari abagabo ibihumbi makumyabiri na bitandatu.