Read kinyarwanda Icya kabiri cy'Amateka 22 Bible Online

Icya kabiri cy'Amateka 22 - kinyarwanda bible

Icya kabiri cy'Amateka 22

¹Abaturage b’i Yeruzalemu bimika Okoziya umuhungu wa Yoramu w’umuhererezi kugira ngo amuzungure ku ngoma, kuko bakuru be bose bari barishwe na cya gitero cy’ingabo cyazanye n’Abarabu bateye ingando. Nuko Okoziya mwene Yoramu, umwami wa Yuda, aba ari we uba umwami.

²Okoziya yimitswe amaze imyaka mirongo ine n’ibiri avutse, amara umwaka umwe ari ku ngoma i Yeruzalemu. Nyina yitwaga Ataliya, akaba umukobwa wa Omari.

³Na we yakurikije ingeso z’abo mu muryango wa Akabu, kuko nyina yamugiraga inama mbi.

⁴Akora ibidatunganiye amaso y’Uhoraho nk’uko byakorwaga n’abo mu muryango wa Akabu, kuko abo bantu ari bo babaye abajyanama be se amaze gupfa, bakamukururira ibyago.

⁵Ndetse muri uko kumvira inama zabo ni bwo yajyanye na Yoramu, umwami wa Israheli, mwene Akabu, bajya i Ramoti y’i Gilihadi kurwana na Hazayeli, umwami w’Abaramu. Ariko Abaramu bakomeretsa Yoramu,

⁶agaruka i Yizireyeli kwivuza ibikomere yari yaterewe i Ramoti igihe yarwanaga na Hazayeli, umwami w’Abaramu. Nuko Okoziya mwene Yoramu, umwami wa Yuda, aramanuka ajya i Yizireyeli gusura Yoramu mwene Akabu wari warakomeretse.

⁷Uko gusura Yoramu, Uhoraho yaragushatse ngo kubere Okoziya impamvu yo kurimburwa. Akigerayo yamanukanye na Yoramu bajya gutera Yehu mwene Nimushi, uwo Uhoraho yari yarimikishije amavuta kugira ngo azarimbure umuryango wa Akabu.

⁸Nuko mu gihe Yehu akirangiza urwo rubanza Uhoraho yaciriye umuryango wa Akabu, ahura n’abatware b’Abayuda n’abana b’abavandimwe ba Okoziya, na bo arabica bose.

⁹Ashakisha Okoziya, bamufatira i Samariya aho yari yihishe, bamushyira Yehu, aramwica. Baramuhamba kuko bavugaga bati «Ni mwene Yozafati washakaga Uhoraho n’umutima we wose!» Nta muntu n’umwe wo mu muryango wa Okoziya washoboye kumusimbura ku ngoma.

¹⁰Ataliya, nyina wa Okoziya, abonye ko umuhungu we apfuye, yiyemeza kwicisha abakomoka bose mu muryango w’umwami wa Yuda.

¹¹Ariko Yehosheba, umukobwa w’umwami Yoramu, afata Yowasi mwene Okoziya, amuvana mu bana b’umwami bagombaga kwicwa. Nuko amujyanana n’umurezi we, abashyira mu nzu bararagamo. Bityo Yehosheba, umukobwa w’umwami Yoramu, wari umugore w’umuherezabitambo Yehoyada akaba na mushiki wa Okoziya, aba amuhishe Ataliya, ntiyamubona ngo amwice.

¹²Umwana ahagumana na bo imyaka itandatu, ahishe mu Ngoro y’Imana; icyo gihe Ataliya ni we wategekaga igihugu.