Read kinyarwanda Nehemiya 7 Bible Online

Nehemiya 7 - kinyarwanda bible

Nehemiya 7

¹Inkike z’umugi zamaze kuzura maze ntera inzugi ku marembo, hanyuma nshyiraho abanyanzugi (n’abaririmbyi n’abalevi).

²Nuko Hanani umuvandimwe wanjye mugira umutware wa Yeruzalemu, naho Hananiya aba umukuru w’ingabo zo mu kigo ntamenwa, kuko uwo mugabo w’inyangamugayo yarushaga abenshi kugirira Imana igitinyiro.

³Nuko ndabihanangiriza nti «Amarembo ya Yeruzalemu ntazakingurwe mbere y’uko izuba rirasa, nirijya kurenga mujye mukinga inzugi mushyireho ibihindizo; kandi abaturage ba Yeruzalemu mujye mubatoranyamo abarinzi, buri wese afate umwanya ahateganye n’inzu ye.»

⁴Umugi wari munini mu mpande zawo zose ariko utuwe n’abantu bake cyane, kandi n’amazu yari atarongera kubakwa.

⁵Ni bwo Imana yanjye inshyizemo igitekerezo cyo gukoranya abanyacyubahiro, abacamanza hamwe n’imbaga yose, kugira ngo babarurwe hakurikijwe amazu yabo. Mbanza kureba mu gitabo cy’abagarutse mbere[16], nsanga handitsemo ngo:

⁶Dore abantu bo muri iyi ntara, Nebukadinetsari umwami wa Babiloni yari yarajyanye bunyago, hanyuma bakagaruka i Yeruzalemu no muri Yuda, buri wese agasubira mu mugi we.

⁷Bazanye na Zorobabeli, Yozuwe, Nehemiya, Azariya, Ramiya, Nahamani, Morudokayi, Bilishani, Misipereti, Biguwayi, Nehumi na Bahana. Umubare w’imbaga ya Israheli ni uyu:

⁸bene Parewoshi ni 2172;

⁹bene Shefatiya ni 372;

¹⁰bene Arahu ni 652;

¹¹bene Pahati‐Mowabu, ari bo bene Yezuwe na Yowabu ni 2818;

¹²bene Elamu ni 1254;

¹³bene Zatu ni 845;

¹⁴bene Zakayi ni 760;

¹⁵bene Binuwi ni 648;

¹⁶bene Bebayi ni 628;

¹⁷bene Azigadi ni 2322;

¹⁸bene Adonikamu ni 667;

¹⁹bene Biguwayi ni 2067;

²⁰bene Adini ni 655;

²¹bene Ateri, ari bo bene Hizikiya ni 98;

²²bene Hashumi ni 328;

²³bene Besayi ni 324;

²⁴bene Harifu ni 112;

²⁵bene Gibewoni ni 95;

²⁶abantu b’i Betelehemu n’ab’i Netofa ni 188;

²⁷abantu b’i Anatoti ni 128;

²⁸abantu b’i Beti‐Azimaweti ni 42;

²⁹abantu b’i Kiriyati‐Yeyarimu, i Kefira n’i Beyeroti ni 743;

³⁰abantu b’i Rama n’ab’i Geba ni 621;

³¹abantu b’i Mikimasi ni 122;

³²abantu b’i Beteli n’ab’i Hayi ni 123;

³³abantu b’i Nebo ni 52;

³⁴bene Elamu wundi ni 1254;

³⁵bene Harimu ni 320;

³⁶abantu b’i Yeriko ni 345;

³⁷abantu b’i Lodi, Hadidi na Ono ni 721;

³⁸bene Senaya ni 3930.

³⁹Abaherezabitambo ni aba: bene Yedaya, ari yo inzu ya Yozuwe, ni 973;

⁴⁰bene Imeri ni 1052;

⁴¹bene Pashuru ni 1247;

⁴²bene Harimu ni 1017.

⁴³Abalevi: bene Yozuwe, ari bo Kadamiyeli, Binuwi na Hodiya, ni 74.

⁴⁴Abaririmbyi: bene Asafu ni 148.

⁴⁵Abanyanzugi: bene Shalumi, bene Ateli, bene Talimoni, bene Akuba, bene Hatita na bene Shobayi, ni 138.

⁴⁶Abahereza: bene Siha, bene Hasufa, bene Tabawoti,

⁴⁷bene Kerosi, bene Siya, bene Padoni,

⁴⁸bene Lebana, bene Hagaba, bene Shalimayi,

⁴⁹bene Hanani, bene Gideli, bene Gahari,

⁵⁰bene Reyaya, bene Resini, bene Nekoda,

⁵¹bene Gazamu, bene Uza, bene Paseya,

⁵²bene Besayi, bene Mewuni, bene Nefisi,

⁵³bene Bakibuki, bene Hakufa, bene Harihuri,

⁵⁴bene Basiliti, bene Mehida, bene Harisha,

⁵⁵bene Barikosi, bene Sisera, bene Temahu,

⁵⁶bene Nesiya na bene Hatifa.

⁵⁷Abahungu b’abagaragu ba Salomoni: bene Sotayi, bene Sofereti, bene Perida,

⁵⁸bene Yala, bene Darikoni, bene Gideli,

⁵⁹bene Shefatiya, bene Hatili, bene Pokereti‐Hasebayimu na bene Amoni.

⁶⁰Abahereza bose n’abahungu b’abagaragu ba Salomoni, ni 392.

⁶¹Dore kandi n’abandi bazamutse bava i Teli Melahu, i Teli Harisha, i Kerubi, i Adoni, i Imeri; ariko bo ntibashoboye kubona icyemezo cy’uko amazu n’imiryango bavukamo ari iya Israheli koko.

⁶²Barimo bene Delaya, bene Tobiya, bene Nekoda 642;

⁶³bakabamo na bamwe mu baherezabitambo ari bo bene Hobaya, bene Hakosi na bene Barizilayi, wari warashatse umugore mu bakobwa ba Barizilayi w’Umugilihadi, hanyuma akamwitirirwa.

⁶⁴Abo bose babashatse mu gitabo cy’amavuko, ariko ntibakibabonamo; ni ko kubafata nk’abahumanye, bavanwa batyo ku murimo w’ubuherezabitambo.

⁶⁵Umunyacyubahiro na we ababuza kurya ku biribwa bitagatifu, kugeza ubwo hazaboneka umuherezabitambo wabyemerewe, akabibaza Uhoraho akoresheje ubufindo.

⁶⁶Ikoraniro ryose ryari rigizwe n’abantu 42360;

⁶⁷utabariyemo abagaragu babo n’abaja, bari 7337; kandi bari bafite abaririmbyi n’abaririmbyikazi 245.

⁶⁸Hari ingamiya 435, n’indogobe 6720.

⁶⁹Abenshi mu batware b’amazu bazana imfashanyo, bazitangiye icyo gikorwa. Umunyacyubahiro ubwe yashyize mu bubiko amadarakima igihumbi ya zahabu, ibikombe mirongo itanu bakoresha mu isukurwa, atanga n’amakanzu magana atanu na mirongo itatu agenewe abaherezabitambo.

⁷⁰Abo batware b’amazu bashyize muri ubwo bubiko amadarakima ibihumbi makumyabiri ya zahabu na mina ibihumbi bibiri na magana abiri bya feza.

⁷¹Naho rubanda, bo batanze amadarakima ibihumbi makumyabiri ya zahabu, mina ibihumbi bibiri bya feza, n’amakanzu mirongo itandatu n’arindwi agenewe abaherezabitambo.

⁷²Nuko abaherezabitambo, abalevi n’igice kimwe cya rubanda batura i Yeruzalemu; naho abanyanzugi, abaririmbyi, abahereza n’abandi Bayisraheli basigaye, bo basubira mu migi yabo.