Read kinyarwanda Yobu 33 Bible Online

Yobu 33 - kinyarwanda bible

Yobu 33

¹Wowe rero Yobu, umva ibyo nkubwira, utege amatwi amagambo yanjye yose.

²Dore ngiye kubumbura umunwa, ururimi rwanjye rutobore ruvuge;

³umutima wanjye wuzuye ubuhanga, kandi umunwa uravuga ukuri nyako.

⁶Uko nkumereye, ni nk’uko nawe umeze ku Mana, nanjye navuye mu gitaka; umwuka w’Imana ni wo wandemye, umwuka wa Nyir’ububasha ni wo wampaye ubuzima.

⁷None rero, singutere ubwoba, nta cyo ndi bugukoreho. Niba ubishoboye, unyomoze, itegure kwiregura, uhagarare imbere yanjye.

⁸Ndacyumva rwose mu matwi yanjye, ijwi ry’amagambo yawe, ugira uti

⁹’Ndi intungane, nta cyaha ngira, ndi umwere, nta gicumuro kindangwaho,

¹⁰ariko Nyir’ububasha aranshakaho urwitwazo, akampindura umwanzi we,

¹¹akantega imitego ngo nyigwemo, kandi akagenzura ibyo nkora byose.’

¹²Reka rero ngusubize: nta bwo wavuze iby’ukuri! Kuko Imana isumba ikiremwa muntu;

¹³nta mpamvu ufite yo kuyishinja ngo ni uko amagambo yawe yose itayashubije!

¹⁴Imana ivuga rimwe, ntisubiramo ubwa kabiri.

¹⁵Iyo urota mu nzozi nijoro, igihe abantu baba bahwekereye, basinziriye ku mariri yabo,

¹⁶ni ho Nyir’ububasha yihishurira abantu, akababonekera bagashya ubwoba,

¹⁷ubwo ari ukugira ngo abuze muntu ibikorwa bye bibi, amuvanemo ubwirasi,

¹⁸arinde roho ye kurohama, n’ubuzima bwe bwoye kugwa mu mwobo w’ikuzimu.

¹⁹Ubundi yigishiriza umuntu n’aho aryamye, nk’igihe ahinda umushyitsi arwaye,

²⁰umutima we wazinutswe ibyo kurya, n’iyo byaba biryoshye bite;

²¹agatangira kuma ahagaze, amaguru ye agasigara yanamye,

²²ubwo akagenda asanga urupfu, ikuzimu, aho abapfuye bandi baba.

²³Nyamara, mu bihumbi by’abamalayika, habonetsemo umwe umwishingira ngo amwibutse icyo ategetswe,

²⁴akanamusabira ku Mana, agira ati ’Mubabarire woye kumwica, namuboneye incungu’,

²⁵ako kanya, uwo muntu yakwiyuburura, akongera gusubirana ubusore bwe.

²⁶Uwambaza Imana wese iramwumva, agatunguka imbere yayo yasazwe n’ibyishimo, agatekerereza abandi uko yarokowe;

²⁷nuko akaririmbira imbere yabo, agira ati ’Nari naracumuye, nyoba inzira y’ukuri, nyamara nta bwo yampaniye icyaha cyanjye;

²⁸yarinze roho yanjye inyenga y’ikuzimu; none ubuzima bwanjye burarangwa n’umucyo.’

²⁹Ibyo ni byo Imana ihora ikora, kabiri gatatu, igirira muntu,

³⁰kugira ngo imurinde inyenga y’ikuzimu, maze amurikirwe n’urumuri rw’abazima.

³¹Yobu itonde, utege amatwi, uceceke, maze jyewe mvuge.

³²Niba hari icyo ufite kuvuga, unsubize, uvuge kuko nifuza ko uhuza n’ukuri;

³³niba kandi nta cyo, ntega amatwi, uceceke, maze ngutoze ubuhanga.