Read kinyarwanda Zaburi 12 Bible Online

Zaburi 12 - kinyarwanda bible

Zaburi 12

¹[14] Igenewe umuririmbisha, ikajyana n’inanga y’imirya munani. Ni zaburi iri mu zo bitirira Dawudi.

²Uhoraho, tabara! Nta ndahemuka ikibaho, ukuri kwarazimiye mu bantu!

³Icyabo ni ukwirirwa babeshyana, baryoshya akarimi n’umutima wuje uburyarya.

⁴Uhoraho nazibe akanwa k’abanyabinyoma, n’ak’abaryoshya akarimi bose,

⁵bavuga ngo «Ijambo ni ryo ntwaro yacu, tuzi kwivugira, ni nde waduhangara?»

⁶«Kubera ko abanyantege nke baryamirwa, n’abakene bakanganyira, jyewe ubu ngubu ndahagurutse, — Uwo ni Uhoraho ubivuze—, ntabaye uwo barenganya.»

⁷Amagambo y’Uhoraho ni amagambo arongorotse, nka feza iva mu butaka, iyunguruwe karindwi.

⁸Uhoraho, ni wowe utwiragiriye: uzaturinda iteka iriya nyoko mbi.

⁹Abagiranabi barabungera hose, n’ubwomanzi bukiyongera mu bantu.