Read kinyarwanda Zaburi 132 Bible Online

Zaburi 132 - kinyarwanda bible

Zaburi 132

¹[148] Indirimbo y’amazamuko. Uhoraho, ibuka Dawudi, n’ubuyoboke bwe bwose,

²we warahiriye Uhoraho, agasezeranya Nyir’Ububasha wa Yakobo,

³ati «Nta bwo nzinjira mu ihema ryanjye, ngo ndambarare ku buriri bwanjye,

⁴ngo amaso yanjye ahumirize, n’ingohe zanjye zitore agatotsi,

⁵ntarabonera Uhoraho ikibanza, ntarabonera Nyir’ububasha wa Yakobo aho atura!»

⁶Twari twumvise ko buba i Efurata twabusanze mu mataba y’i Yahari!

⁷Nimuhogi twinjire aho atuye, dupfukame imbere y’umusego w’ibirenge bye!

⁸Haguruka, Uhoraho, uze mu buruhukiro bwawe, wowe, n’Ubushyinguro bw’ububasha bwawe!

⁹Abaherezabitambo bawe nibambare ubutungane, maze abayoboke bawe bavuze impundu.

¹⁰Girira umugaragu wawe Dawudi, woye gutererana umwami wisigiye amavuta.

¹¹Uhoraho yarahiye Dawudi, ni indahiro atazivuguruzaho, ati «Nzitoranyiriza umwe mu bahungu bawe, nzamugire umwami uzakuzungura!

¹²Abahungu bawe nibakomeza isezerano twagiranye, n’amatangazo nabamenyesheje, abahungu babo na bo bazicara ku ntebe yawe y’ubwami ubuziraherezo.»

¹³Kuko Uhoraho yihitiyemo Siyoni, ashaka ko imubera ingoro,

¹⁴ati «Ni yo buruhukiro bwanjye iteka ryose, ni ho nzatura kuko nabyifuje!

¹⁵Nzayiha umugisha, nyigwizemo ibiyitunga, abakene bayo mbahaze umugati;

¹⁶abaherezabitambo bayo mbasesureho umukiro, n’abayoboke bayo bazavuze impundu.

¹⁷Ni ho nzaturutsa inkomoko ya Dawudi, nzahakomeze urumuri rw’intore yanjye.

¹⁸Abanzi be nzabakoza ikimwaro, maze ikamba rye rizamubengeranireho.»