Read kinyarwanda Zaburi 141 Bible Online

Zaburi 141 - kinyarwanda bible

Zaburi 141

¹[157] Ni zaburi iri mu zo bitirira Dawudi. Uhoraho, ndagutabaza, tebuka umbe hafi! Jya utega amatwi ijwi ryanjye igihe ngutakiye.

²Isengesho ryanjye niribe nk’ububani bucumbekera imbere yawe, n’amaboko ndambuye abe nk’ituro rya nimugoroba.

³Uhoraho, genzura irembo ry’ururimi rwanjye, ushyire umurinzi ku munwa wanjye.

⁴Ntureke umutima wanjye utwarwa n’ikibi, ngo nohoke mu bikorwa by’ubugiranabi, mfatanyije n’abantu b’abagome; sinzasogongere na busa ku byo bakunda.

⁵Intungane inkubise impana, byo nabyemera: biba ari ukungirira neza! Naho amavuta y’abagiranabi, ntakangere ku mutwe bibaho, ahubwo isengesho ryanjye rihore rirwanya ubugome bwabo!

⁶Abatware babo bazahananturirwa mu manga, ni bwo bazumva ko amagambo yanjye yari aboneye.

⁷Nk’uko barima ubutaka, bakabutengura, ni ko amagufwa yabo azanyanyagira mu marembo y’ikuzimu.

⁸Nyagasani Mana yacu, ni wowe mpanze amaso, ni wowe mpungiraho, urandinde gupfa!

⁹Undinde imitego banshandikiye, undinde n’imishibuka y’inkozi z’ibibi;

¹⁰abo bagiranabi abe ari bo bagwa mu mitego mitindi, naho jye nyice iruhande nikomereze.