Read kinyarwanda Zaburi 3 Bible Online

Zaburi 3 - kinyarwanda bible

Zaburi 3

¹[3] Ni zaburi iri mu zo bitirira Dawudi; igihe yahungaga umuhungu we Abusalomu.

²Uhoraho, mbega ngo abandwanya baraba benshi! Ni benshi bampagurukiye,

³ni benshi bamvugiraho ngo «Nta gakiza ateze ku Mana!» (guceceka akanya gato)[4]

⁴Nyamara wowe, Uhoraho, uri ingabo inkingira; ni wowe shema ryanjye, ni wowe nkesha kwegura umutwe.

⁵Ndangurura ijwi ngatabaza Uhoraho, maze akansubiriza ku musozi we mutagatifu. (guceceka akanya gato)

⁶Ndaryama ngasinzira, nageraho ngakanguka: igihe cyose Uhoraho ni we unshyigikiye.

⁷Sintinya icyo gitero cy’abantu bangose impande zose.

⁸Uhoraho, tabara! Nkiza, Mana yanjye! Ni wowe umena amajigo abanzi banjye bose, abagome ukabakura amenyo.

⁹Uhoraho, ni wowe utanga umukiro! Umuryango wawe uwuhozaho umugisha! (guceceka akanya gato)