Read kinyarwanda Zaburi 47 Bible Online

Zaburi 47 - kinyarwanda bible

Zaburi 47

¹[55] Igenewe umuririmbisha. Ni zaburi y’abahungu ba Kore.

²Miryango mwese, nimukome yombi, musingize Imana mu rwamu rw’ibyishimo,

³kuko Uhoraho, Umusumbabyose, ari Ruterabwoba, akaba Umwami w’igihangange ku isi yose.

⁴Atuyoborera imiryango, tukayihaka; amahanga akayashyira mu nsi y’ibirenge byacu.

⁵Adutoranyiriza umugabane udukwiye, ukaba ishema rya Yakobo, inkoramutima ye. (guceceka akanya gato)

⁶Imana izamutse bayiha impundu, Uhoraho azamutse avugirwa n’impanda.

⁷Nimucurangire Uhoraho, nimucurange! Nimucurangire Umwami wacu, nimucurange!

⁸Kuko Imana ari yo mwami w’isi yose; nimucurange mwimazeyo, mubyamamaze.

⁹Uhoraho ni Umwami ugenga amahanga, Imana itetse ku ntebe yayo yuje ubutungane.

¹⁰Abatware b’ibihugu bakoranye, bishyira hamwe n’umuryango w’Imana ya Abrahamu, kuko Imana ari yo Nyir’ingabo zose zibaho ku isi, ikaba yatumbagiye hejuru ya byose.