Read kinyarwanda Zaburi 98 Bible Online

Zaburi 98 - kinyarwanda bible

Zaburi 98

¹[112] Zaburi. Nimuririmbire Uhoraho indirimbo nshya, kuko yakoze ibintu by’agatangaza; indyo ye, ukuboko kwe k’ubutagatifu byatumye atsinda.

²Uhoraho yagaragaje ugutsinda kwe, atangaza ubutabera bwe mu maso y’amahanga.

³Yibutse ubuntu bwe n’ubudahemuka bwe, agirira inzu ya Israheli. Imipaka yose y’isi yabonye ugutsinda kw’Imana yacu.

⁴Nimusingize Uhoraho ku isi hose, nimuvuze impundu kandi muririmbe,

⁵nimucurangire Uhoraho ku nanga, ku nanga no mu majwi y’indirimbo,

⁶mu karumbeti no mu ijwi ry’impanda; nimusingize Umwami, Uhoraho.

⁷Inyanja niyorome hamwe n’ibiyirimo, isi yose, hamwe n’abayituye.

⁸Inzuzi nizikome mu mashyi, n’imisozi ivugirize impundu icyarimwe,

⁹imbere y’Uhoraho, kuko aje gutegeka isi; azacira isi urubanza rutabera, arucire n’imiryango mu butarenganya bwe.