Read kinyarwanda Umubwiriza 5 Bible Online

Umubwiriza 5 - kinyarwanda bible

Umubwiriza 5

¹Ntukihutire kubumbura umunwa, maze ngo umutima wawe uhubukire kurogombwa imbere y’Imana, kuko Imana iba mu ijuru, naho wowe ukaba ku isi; bityo rero ujye uvuga make.

²Koko rero, imiruho myinshi itera kurota, n’amagambo menshi agakurura amazimwe.

³Nuhigira Imana, ntugatinde kuzuza umuhigo wawe, kuko idakunda abapfayongo; icyo wahigiye, ujye ugikora.

⁴Kutagira umuhigo uhiga, biruta kuwuhiga ntuwurangize.

⁵Umunwa wawe ntuzatere umubiri wawe gucumura, kandi ntuzabwire intumwa[12] y’Imana ngo «Nari nibeshye!» Ni kuki Imana yagomba kukurakarira kubera amagambo yawe, ikanayogoza ibikorwa byawe?

⁶Koko rero, imiruho myinshi itera kurota, naho amagambo menshi agakurura amatiku. None rero jya utinya Imana.

⁷Nubona mu gihugu umukene akandamijwe, ukabona ubutabera n’ubutungane bititaweho, ntibizagutere inkeke; bazakubwira ko hejuru y’abakomeye haba hari ababarusha imbaraga, na bo kandi bakaba bazirushwa n’abandi.

⁸Bazitwaza igifitiye akamaro rubanda nyamwinshi, cyangwa kubahiriza umwami.

⁹Ukunda amafaranga, ntajya ayagwiza; ukunda iby’isi nta nyungu abivanamo. Ibyo na byo ni ukugokera ubusa.

¹⁰Ahuzuye ibintu, hagwira n’abaryi; ubwo se inyungu y’ubitunze ni iyihe uretse kubirebesha amaso gusa?

¹¹Umukozi mwiza asinzira neza n’iyo yarya bike; ariko umukungu n’iyo yagwa ivutu ntagoheka.

¹²Hari ikintu kibabaje nabonye ku isi: kubona umuntu yaragwije umutungo, nyuma ukamushirana!

¹³Iyo uwo mutungo uhombye, umwana yabyaye asigara amara masa.

¹⁴Uko yagasohotse mu nda ya nyina yambaye ubusa, azasubirayo[13] uko yaje; umuruho we wose nta cyo azawukuramo ngo akijyane.

¹⁵Na byo biteye agahinda, kubona uko yaje ari na ko agenda, ubwo se bimwunguye iki kubona yararuhiye ubusa?

¹⁶Ubundi kandi imibereho ye irangwa n’umwijima, agahinda, indwara n’impungenge nyinshi.

¹⁷Dore jyewe uko nabibonye: ikibereye umuntu ni ukurya no kunywa agaha umutima we ikivuye mu mvune ze, mu gihe cyose Imana yamutije ngo abeho; kuko ari wo mugabane we.

¹⁸Nanone kandi, umuntu Imana igabira umukiro n’ibintu, ikamuha kubirya no kubitunga, bityo agashimishwa n’ibyo yavunikiye, na byo ni ingabire y’Imana.

¹⁹Ubwo rero ntaba agihangayitswe n’imibereho ye, kuko Imana iba imwitayeho, ikamunezeza umutima.