Read kinyarwanda Indirimbo ihebuje 6 Bible Online

Indirimbo ihebuje 6 - kinyarwanda bible

Indirimbo ihebuje 6

¹Mbese uwo ukunda yagiye he, wowe, gitego mu bakobwa? Uwo ukunda yaba yerekeye he, ngo tugufashe kumushaka?

²Uwo nkunda yamanutse agana mu busitani bwe, mu mirima y’ibiti bivamo imibavu, kuragira mu mirima no guca indabo z’amalisi.

³Uwo nkunda ni uwanjye, nanjye ndi uwe.

⁴Uri mwiza, ncuti yanjye, usa na Tirisa[18]; uteye ubwuzu nka Yeruzalemu. Uteye igitinyiro nk’igitero cy’ingabo.

⁵Mpisha amaso yawe kuko antwara umutima. Imisatsi yawe ni nk’umukumbi w’ihene zimanuka imanga ya Gilihadi.

⁶Amenyo yawe arera nk’umukumbi w’intama iyo zikutse umugezi zimaze kwiyuhagira; buri ryinyo rijyana n’iryaryo nk’impanga, kandi nta gihanga kiyabamo.

⁷Imisaya yawe mu mwenda witwikiriye, ni nk’akabuto k’itunda basatuyemo kabiri.

⁸Abamikazi ni mirongo itandatu, inshoreke ni mirongo inani, abakobwa bo ntibagira ingano.

⁹Ariko umwe gusa ni we kanuma kanjye, ni ikinege kwa nyina. Uwamwibarutse ni we yatonesheje. Abakobwa bamubonye bamwita nyaguhirwa, ndetse n’abamikazi n’inshoreke bamwita igitego,

¹⁰bati «Uriya ni nde utungutse nk’umuseke weya, mwiza nk’ukwezi, waka nk’izuba, uteye igitinyiro nk’igitero cy’ingabo?»

¹¹Namanutse njya mu busitani bw’ibiti by’ibinyobwa, kureba imbuto zashibutse mu kabande, kureba niba umuzabibu warapfunduye, niba amatunda ari uruyange.

¹²None sinkimenya iyo nerekeza[19] . . .