Read kinyarwanda Ezekiyeli 15 Bible Online

Ezekiyeli 15 - kinyarwanda bible

Ezekiyeli 15

¹[46] Uhoraho ambwira iri jambo, ati

²«Mwana w’umuntu, igiti cy’umuzabibu kirusha iki ibindi biti byose? Amashami yacyo arusha iki andi y’ibiti byo mu ishyamba?

³Bashobora se kugira icyo bagikoramo? Hari uwakibazamo se akantu ko kumanikaho ibikoresho?

⁴Ngaha rero bakijugunye mu muriro ngo gishye, gikongoke: kiramutse se gihiye imitwe yombi ndetse n’igihimba kigakongoka, hari icyo se cyaba kikimaze?

⁵Mbere y’uko bagitwika, nta cyo cyari kimaze; none dore umuriro wagitwitse cyakongotse. Hari icyo se kikimaze?

⁶Ni yo mpamvu Nyagasani Uhoraho avuze ati ’Uko nagenjereje umuzabibu mu bindi biti byo mu ishyamba, nkawujugunya mu muriro ngo ushye, ukongoke, ni ko nzagenzereza n’abaturage b’i Yeruzalemu.

⁷Naraboroheye bibwira ko barokotse umuriro, nyamara undi muriro uzabatwika; maze muzamenye ko ndi Uhoraho, igihe nzaba nabazinutswe.

⁸Igihugu nzagihindura amatongo, kuko bambereye abahemu. Uwo ni Nyagasani Uhoraho ubivuze.’»