Read kinyarwanda Ibarura 7 Bible Online

Ibarura 7 - kinyarwanda bible

Ibarura 7

¹Umunsi Musa yarangijeho kubaka Ingoro y’Uhoraho yayisutseho amavuta yo gusiga, ayegurira Uhoraho hamwe n’ibikoresho byayo byose. Urutambiro na rwo hamwe n’ibikoresho byarwo byose, arusukaho amavuta y’isigwa, aranabitagatifuza.

²Abatware bahagarariye imiryango ya Israheli, bazana amaturo yabo imbere y’Uhoraho:

³amagare atandatu atwikiriye n’ibimasa cumi na bibiri; igare rimwe rigaturwa n’abatware babiri, naho buri mutware agatura ikimasa kimwe; babyigiza imbere y’Inzu.

⁴Uhoraho abwira Musa, ati

⁵«Akira ayo maturo bakuzaniye; azakoreshwa imirimo yo mu ihema ry’ibonaniro. Uzabishinga Abalevi, ukurikije uko buri wese abikeneye mu kazi ke.»

⁶Musa yakira amagare n’ibimasa, abishyikiriza Abalevi.

⁷Aha abahungu ba Gerishoni amagare abiri n’ibimasa bine, nk’uko bari babikeneye mu kazi kabo.

⁸Ayandi magare ane n’ibindi bimasa munani abiha umuherezabitambo Itamari mwene Aroni, kugira ngo abishyikirize abahungu ba Merari, nk’uko bari babikeneye mu kazi kabo.

⁹Ntiyagira icyo aha abahungu ba Kehati, kuko imirimo bari bashinzwe yari iyo gutwara ku ntugu ibikoresho bitagatifu.

¹⁰Abatware bazanye amaturo yo gutaha urutambiro ku munsi rwasutsweho amavuta y’isigwa; maze bigiza amaturo yabo imbere yarwo.

¹¹Uhoraho abwira Musa, ati «Buri mutware azagira umunsi we wo gutanga ituro ryo gutaha urutambiro.»

¹²Nahashoni mwene Aminadabu wo mu muryango wa Yuda ni we wazanye ituro rye ku munsi wa mbere.

¹³Iryo turo ryari rigizwe n’ibintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70, byose bipimye kuri sikeli y’Ingoro. Byombi byari byuzuye ifu ivanze n’amavuta byo gutura Uhoraho.

¹⁴Yazanye kandi n’agakombe ka zahabu gapima amasikeli 10 kuzuye umubavu,

¹⁵ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

¹⁶azana n’isekurume y’ihene yo guturwaho igitambo cyo guhongerera icyaha.

¹⁷Azana kandi n’ibimasa bibiri by’inkone, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Nahashoni mwene Aminadabu.

¹⁸Ku munsi wa kabiri, Netaneli mwene Shuwari, akaba n’umutware w’umuryango w’Isakari, azana ituro rye.

¹⁹Ryari rigizwe n’ibi bintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70; byose bipimiye kuri sikeli y’Ingoro. Byombi byari byuzuye ifu ivanze n’amavuta byo guturwa Uhoraho.

²⁰Yazanye kandi n’agakombe ka zahabu gapima amasikeli 10 kuzuye umubavu,

²¹ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

²²azana n’isekurume yo guturwaho igitambo cyo guhongera icyaha.

²³Azana kandi n’ibimasa bibiri by’inkone, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Netaneli mwene Shuwari.

²⁴Umunsi wa gatatu wabaye uwa Eliyabu mwene Heloni, akaba n’umutware w’abahungu ba Zabuloni.

²⁵Ituro rye ryari rigizwe n’ibintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70, byose bipimye kuri sikeli y’Ingoro. Byombi byari byuzuye ifu ivanze n’amavuta byo guturwa Uhoraho.

²⁶Yazanye kandi n’agakombe ka zahabu gapima amasikeli 10 kuzuye umubavu,

²⁷ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

²⁸azana n’isekurume yo guturwaho igitambo cyo guhongera icyaha.

²⁹Azana kandi n’ibimasa bibiri by’inkone, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Eliyabu mwene Heloni.

³⁰Umunsi wa kane wabaye uwa Elishuru mwene Shedewuru akaba n’umutware w’abahungu ba Rubeni.

³¹Ituro rye ryari rigizwe n’ibi bintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70; byose bipimye kuri sikeli y’Ingoro. Byombi byari byuzuye ifu ivanze n’amavuta byo gutura Uhoraho.

³²Yazanye kandi n’agakombe ka zahabu gapima amasikeli 10 kuzuye umubavu,

³³ikimasa kimwe, isekurume y’intama imwe, n’umwana w’intama umaze umwaka umwe byo guturwaho igitambo gitwikwa;

³⁴azana n’isekurume y’ihene yo guturwaho igitambo cyo guhongera icyaha.

³⁵Azana kandi n’ibimasa bibiri by’inkone, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Elishuru mwene Shedewuru.

³⁶Umunsi wa gatanu wabaye uwa Shelumyeli mwene Shurishadayi akaba n’umutware w’abahungu ba Simewoni.

³⁷Ituro rye ryari rigizwe n’ibi bintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70; byose bipimye kuri sikeli y’Ingoro. Byombi byari byuzuye ifu ivanze n’amavuta byo guturwa Uhoraho.

³⁸Yazanye kandi n’agakombe ka zahabu gapima amasikeli 10 kuzuye umubavu,

³⁹ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

⁴⁰azana n’isekurume y’ihene yo guturwaho igitambo cyo guhongera icyaha.

⁴¹Azana kandi n’ibimasa bibiri by’inkone, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Shelumyeli mwene Shurishadayi.

⁴²Umunsi wa gatandatu wabaye uwa Eliyasafu mwene Dewuyeli akaba n’umutware w’abahungu ba Gadi.

⁴³Ituro rye ryari rigizwe n’ibintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70; byose bipimye kuri sikeli y’Ingoro. Byombi byari byuzuye ifu ivanze n’amavuta byo guturwa Uhoraho.

⁴⁴Yazanye kandi n’agakombe ka zahabu gapima sikeli 10 kuzuye umubavu,

⁴⁵ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

⁴⁶azana n’isekurume y’ihene yo guturwaho igitambo cyo guhongera icyaha.

⁴⁷Azana kandi n’ibimasa by’inkone bibiri, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Eliyasafu mwene Dewuyeli.

⁴⁸Umunsi wa karindwi wabaye uwa Elishama mwene Amihudi akaba n’umutware w’abahungu ba Efurayimu.

⁴⁹Ituro rye ryari rigizwe n’ibintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70; byose bipimye kuri sikeli y’Ingoro. Byombi byari byuzuye ifu ivanze n’amavuta byo guturwa Uhoraho.

⁵⁰Yazanye kandi n’agakombe ka zahabu gapima amasikeli 10 kuzuye umubavu,

⁵¹ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

⁵²azana n’isekurume y’ihene yo guturwaho igitambo cyo guhongera icyaha.

⁵³Azana kandi n’ibimasa bibiri by’inkone, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Elishama mwene Amihudi.

⁵⁴Umunsi wa munani wabaye uwa Gameliyeli mwene Pedashuri akaba n’umutware w’abahungu ba Manase.

⁵⁵Ituro rye ryari rigizwe n’ibintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70; byose bipimye kuri sikeli y’Ingoro. Byombi byari byuzuye ifu ivanze n’amavuta byo guturwa Uhoraho.

⁵⁶Yazanye kandi n’agakombe ka zahabu gapima amasikeli 10 kuzuye umubavu,

⁵⁷ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

⁵⁸azana n’isekurume y’ihene yo guturwaho igitambo cyo guhongera icyaha.

⁵⁹Azana kandi n’ibimasa by’inkone bibiri, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Gameliyeli mwene Pedashuri.

⁶⁰Umunsi wa cyenda wabaye uwa Avidani mwene Gidewoni akaba n’umutware w’abahungu ba Benyamini.

⁶¹Ituro rye ryari rigizwe n’ibintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70; byose bipimye kuri sikeli y’Ingoro. Byombi byari byuzuye ifu ivanze n’amavuta byo guturwa Uhoraho.

⁶²Yazanye kandi n’agakombe ka zahabu gapima amasikeli 10 kuzuye umubavu,

⁶³ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

⁶⁴azana n’isekurume y’ihene yo guturwaho igitambo cyo guhongera icyaha.

⁶⁵Azana kandi n’ibimasa bibiri by’inkone, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Avidani mwene Gidewoni.

⁶⁶Umunsi wa cumi wabaye uwa Ahiyezeri mwene Amishadayi akaba n’umutware w’abahungu ba Dani.

⁶⁷Ituro rye rigizwe n’ibintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70; byose bipimye kuri sikeli y’Ingoro. Byombi byari byuzuye ifu ivanze n’amavuta byo guturwa Uhoraho.

⁶⁸Yazanye kandi n’agakombe ka zahabu gapima amasikeli 10 kuzuye umubavu,

⁶⁹ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

⁷⁰azana n’isekurume y’ihene yo guturwaho igitambo cyo guhongera icyaha.

⁷¹Azana kandi n’ibimasa bibiri by’inkone, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Ahiyezeri mwene Amishadayi.

⁷²Umunsi wa cumi n’umwe wabaye uwa Pagiyeli mwene Okrani, akaba n’umutware w’abahungu ba Asheri.

⁷³Ituro rye ryari rigizwe n’ibi bintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70; byose bipimye kuri sikeli y’Ingoro. Byombi byari byuzuye ifu ivanze n’amavuta byo guturwa Uhoraho.

⁷⁴Yazanye kandi n’agakombe ka zahabu gapima amasikeli 10 kuzuye umubavu,

⁷⁵ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

⁷⁶azana n’isekurume y’ihene yo guturwaho igitambo cyo guhongera icyaha.

⁷⁷Azana kandi n’ibimasa bibiri by’inkone, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Pagiyeli mwene Okrani.

⁷⁸Umunsi wa cumi n’ibiri wabaye uwa Ahira mwene Eyinani, akaba n’umutware w’abahungu ba Nefutali.

⁷⁹Ituro rye ryari rigizwe n’ibintu bikurikira: isahani ya feza ifite uburemere bw’amasikeli 130, n’ibesani ya feza ifite uburemere bw’amasikeli 70; byose bipimye kuri sikeli y’Ingoro. Byombi byari byuzuye ifu ivanze n’amavuta byo guturwa Uhoraho.

⁸⁰Yazanye kandi n’agakombe ka zahabu gapima amasikeli 10 kuzuye umubavu,

⁸¹ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

⁸²azana n’isekurume y’ihene yo guturwaho igitambo cyo guhongera icyaha.

⁸³Azana kandi n’ibimasa bibiri by’inkone, amasekurume y’intama atanu, amasekurume y’ihene atanu, n’utwana tw’intama dutanu tw’umwaka umwe byo guturwaho igitambo cy’ubuhoro. Iryo ni ryo ryabaye ituro rya Ahira mwene Eyinani.

⁸⁴Ayo ni yo yabaye amaturo y’abatware ba Israheli yo gutaha urutambiro, umunsi barusukaho amavuta y’isigwa: amasahani cumi n’abiri ya feza, amabesani cumi n’abiri ya feza, n’udukombe cumi na tubiri twa zahabu.

⁸⁵Buri sahani ya feza yapimaga amasikeli 130, naho ibesani imwe igapima amasikeli 70. Ibyo bintu byose hamwe byari amasikeli ya feza 2,400, upimye kuri sikeli y’Ingoro,

⁸⁶n’udukombe cumi na tubiri twa zahabu twuzuye umubavu, twose hamwe dupima amasikeli 120 ya zahabu.

⁸⁷Amatungo yo gutura ibitambo bitwikwa yose hamwe yari agizwe n’ibimasa cumi na bibiri, amasekurume y’intama cumi n’abiri, n’utwana tw’intama tw’umwaka umwe cumi na tubiri hamwe n’amaturo yagenwe, wongeyeho amasekurume y’ihene cumi n’abiri yo guturaho igitambo cyo guhongera icyaha.

⁸⁸Amatungo yo gutura igitambo cy’ubuhoro yose hamwe yari agizwe n’ibimasa by’inkone makumyabiri na bine, amasekurume y’intama mirongo itandatu, n’utwana tw’intama tw’umwaka umwe mirongo itandatu. Ayo ni yo maturo yo gutaha urutambiro igihe bari bamaze kurusukaho amavuta y’isigwa.

⁸⁹Iyo Musa yinjiraga mu Ihema ry’ibonaniro ngo avugane n’Uhoraho, yumvaga ijwi riturutse hejuru y’urwicurizo[15], hagati y’Abakerubimu babiri — urwicurizo rwari hejuru y’Ubushyinguro bw’Isezerano. Nuko Musa akavugana n’Uhoraho.