Read kinyarwanda Zakariya 4 Bible Online

Zakariya 4 - kinyarwanda bible

Zakariya 4

¹[10] Umumalayika twavuganaga aza kunkangura nk’umuntu bakangura mu bitotsi.

²Arambaza ati «Urabona iki?» Ndasubiza nti «Ndabona ikinyarumuri gikozwe muri zahabu gusa, kiriho urwabya rw’amavuta, kikabaho n’amatara arindwi n’imiheha irindwi yo gushyira amavuta muri buri tara.

³Ku mpande zacyo zombi hakaba amashami abiri y’imizeti, rimwe iburyo, irindi ibumoso bw’urwabya rw’amavuta.»

⁴Ndongera mbaza umumalayika twavuganaga, nti «Biriya bisobanura iki se, shobuja?»

⁵Umumalayika twavuganaga aransubiza ati «Ntuzi icyo biriya bisobanura?» Nuko ndasubiza nti «Oya, shobuja.»

⁶Arambwira ati

¹⁰«Ayo matara arindwi ni amaso y’Uhoraho, yitegereza ibiri ku isi byose.»

¹¹Ndongera ndamubaza nti «Naho se ariya mashami abiri y’imizeti ari iburyo n’ibumoso bw’ikinyarumuri, byo bisobanura iki?»

¹²Ubwo nungamo nti «Ariya mashami abiri y’imizeti aturukamo amavuta ya zahabu, akanyura mu miheha ibiri ya zahabu, byo bisobanura iki?»

¹³Arambwira ati «Ntuzi icyo biriya bisobanura?» Ndasubiza nti «Oya, shobuja.»

¹⁴Nuko arambwira ati «Ni abantu babiri basizwe amavuta, bahagaze imbere y’Umugenga w’isi yose.» Ubutumwa bwerekeye Zorobabeli Umumalayika arambwira ati «Dore ijambo ry’Uhoraho abwiye Zorobabeli: Si ukubera ubutwari cyangwa se ku bw’imbaraga, ahubwo ubikesha Umwuka wanjye, uwo ni Uhoraho, Umugaba w’ingabo, ubivuze. Uri iki se, wa musozi we muremure? Uzahinduka ikibaya imbere ya Zorobabeli, azakuramo ibuye ry’ifatizo bashimagiza, bagira bati ’Mbega ibuye ryiza! Ni ryiza rwose!» Nuko Uhoraho arambwira ati «Ibiganza bya Zorobabeli ni byo byashinze ifatizo y’iyi Ngoro, kandi ni na byo bizayuzuza; bityo muzamenye ko ari Uhoraho, Umugaba w’ingabo wantumye. Ubwo se ni nde wahinyura intango y’iyo mirimo y’ibanze? Ahubwo bazanezezwe no kubona mu biganza bya Zorobabeli iryo buye ryatoranijwe.»